VJESNIK 1. (ZAGREB, 1913.)
Strana - SVESKA 3. - 211
211 popisani tutori i executori gore imenuvano imanje i vse drugo ostalo imanje kuzminsko po smerti hižne moje tovarušice i drugeh pravdeneh successorov (kako je vse gore rečeno) pro dadu i tri dele iz te summe na cirkve, kloštre, na kotere budu najbolje videli i znali potrebno, aliasque pias causas, kakoti na špitale varaždinski, zagrebečki, kaptolonski, križevečki i ptujski razluče i odrede i marlivo dadu za poleščicu duše moje i hižne tovarušice Marie Jurhin, pregjev i starešeh mojeh, bliž nje rodbine i dečice naše. A četerti pako del iz te rečene summe da se ovako ima razdeliti : knezu Rigjancu Pavlu ali njegovomu odvetku i ostanku muškoga spola jezero ranjški, a drugo jezero bratu momu Ivanu, ako vu tu dobu živel bude iliti muški ostanek ostal njegov. A ostala summa iz toga četertoga delà ad ecclesias aliasque pias causas, kako je i gore rečeno polag tutorskoga razlučenja. Ako li bi rečenoga Pavla Rigjanca odvetka muškoga spola ne bilo, tako teh je zero ranjški spadne na cirkve i špitale. I te gore rečeni del, koji bi moga zeta i kćere slišal, da im se nema dati, doklam goder moj sin na svoj stališ i k vsemu razumu ne priđe, i da nemaju do te dobe moje hižne tovarušice, kakoti tutricem i curatricem naturalem et legitimarm bantuvati iz toga delà. Nadalje ostavljam patrom fratrom reda svetoga Ferenca pet sto ranjški tako, da se imaju dati vu ruke patru pro vincialu vu onu dobu budućemu, koji razluči na kloštre, kojem bude znal najbolje potrebno. A na varaždinski špital sto ranjški, a drugeh sto na zagrebečki i kaptolomski i na križe večki takajše sto, da se siromahom iz toga špital načini, kade bi prebivali i za moju dušu i mojeh gore imenovaneh Boga molili. Ramno tak i patri fratri Franciscani da včine po svojeh kloštreh vu to ime svete meše služiti za poleščicu duš naših. K tomu spominam se, da sem moje sestrične Jelice ne koje kmetiće do seh dob deržal na Bedovu i ladal. Za ta zrok njoj i nje ostanku dve sto ranjški ostavljam vu goto toveh penezeh, koje sem deržal i sada deržim, i koje sem moje sestrične platil podpunoma, zvun što je jošće nad nimi, ako bi ne doplati! ove jeseni polag lista.
