VJESNIK 1. (ZAGREB, 1913.)
Strana - SVESKA 3. - 174
174 procerum et optimatum frequentia sanctum Stephanum Vngariae regem partita in duas dies actione studiosi spectandum dederunt. Praemia est reverendissimus Zagrabiensis episcopus elargitus. Dies vero sanctissimae eucharistiae duplici est actione decorata, quarum altera sub persona Melchisedech civitati superiori, altera de immolatione Isaac oppido canonicorum est dedicata. Exhibitae hic etiam fuerunt funerales caeremoniae illustrissimo ac reverendissimo cardinali Francisco Forgach, archiepiscopo Strigoniensi, cuius vita ab uno e nostris, patre Martino Matthiade in aede divi Stephani cathedrali coram clero et reverendissimo laudata epigrammatis etiam variis fuit illustrata. Inchoata etiam est nostri sacerdotis industria hoc anno corporis Christi ex civibus sodalitas. In praecipuis anni festivitatibus tria millia nongenti apud nostros poenitentiae sacramentum obiverunt.' Agni dei gestatione et usu aquae lustralis, quidam per veneficium claudus, morbo est et clauditate liberatus, quo remedio etiam arefacta cuiusdam manus pristinum vigorem recepit. Signum matutinum in memoriam resurrectionis dominicae institutum, multis iam annis in aede parochiali divi Marci neglectum, hoc anno sacerdos noster revocavit. Magnifica domina Susanna Ratkaj cathenula aurea et Corona egregia statuam deiparae in templo nostro ornavit, quae etiam diversis temporibus tria antipendia, duas casulas, calicem novum 40 florenis, et calicis tegumenta magni pretii templo nostro donavit. Demum nobilis quaedam vidua Petaicza usum vineae et agri boni nobis hoc anno contulit, donec a debitore, ad quem -tarn vinea quam ager spectat, debitum persolvatur. Anno 1617. stetit Zagrabia quindecim sociis, uno interdum amplius, quorum Septem sacerdotes, ex quibus professores duo, rhetoricae pater Martinus Mathhiades, poëseos pater Ioannes Czernekj ; super hos tres magistri, syntaxeos Leonardus Bagnus, gramaticae Petrus Dzialenski, principiorum Marcus Maximiiianus Diestel. Caeteri a re domestica fuere. Ex hoc numero pater Petrus Vragouicius a mense iulio superioris anni, post decessum patris Coronii rectoris, ad huius anni 1617. mensem aprilem, eius vero diem 26., vices rectoris egit. Nam eodem die pater Georgius Forto Transylvanus Vngarus ex collegio Tyrnauiensi, ubi post aliquot annos in missionibus in sumptos sex hebdomadis resederat, Viennam a patre provinciali Austriae Ferdinando Albero evocatus, et inde Zagrabiam missus, rector collegii ab eodem patre Vragouicio declaratus est. Vix vicerectoratu pater Vragouicius perfunctus erat, cum ecce et vita defungitur, die enim 27. maii morbo erysipela in facie erumpente et sensim fauces strangulante, ad tertiam iunii vivendi pie finem fecit. Conditum eius corpus est in templo beatae virginis. Exequiae magna frequentia cum reverendissimi praesulis Zagrabiensis, et cathedralis ecclesiae canonicis, tum patrum familiae s. Francisci, tum civium ultro accurentium celebratae. Erat is nobili loco hac oriundus
