VJESNIK 1. (ZAGREB, 1913.)

Strana - SVESKA 3. - 172

172 summam aram. Ornaverunt funus reverendissimus Franciscus Ergelius Vesprimiensis episcopus, qui patri Mislenouich affinitate fuit propinquus. Cathedralis etiam ecclesiae divi Stephani canonici, aliqui et cives Zagrabienses accensis funalibus pompae funebri interfueiunt. In scholis laboraverunt quinque, pater Franciscus Segi Vngarus, primus Zagrabiensis rhetor, Martinus Matthiades Silesius, Laurentius Chrysogonus Dalmata, syntaxista, Venceslaus Raushar Bohemus, grammaticus, Andreas Cobauius Carniolus, prihcipiorum et elementorum magister. Caeteri coadiutores. Hoc anno donatum est nobis molendinum duarum rotarum in suburbio a magnifica domina Eua Istuanffia, conuige magnifici domini Ioannis Draskouitch. Accepimus antipendium et casulam ex viridi materia a magnifica domina Susanna Ratkay. Hoc éodem anno patris Alexandri loco datus est nobis augusto mense in rectorem collegii pater Nicolaus Coronius Silesius, rector secundus. Anno 1614. aluit collegium duodecim, duo ex hoc numero in continua missione apud magnificum dominum lstuanffi versati, pater Stephanus More et Joannes Spisak Sclauus, coadiutor. Docendi munus in scholis exercuerunt pater Franciscus Segi, Laurentius Chrysogonus, Daniel Bastelius Carinthus, Venceslaus Raushar,.Casparus Goria Sclavus. Concionatoris in parochia Zagrabiensi vices a nostris obitae. Viginti oçto cives occulti haeretici, ac maxime erroribus Lutheri depravati, tum publias tum privatis colloquiis nostrorum ad catholicam fidem sunt reducti, quibus duae nobiles matronae, cum iuvene item nobili accesserunt. Hoc anno item opera nostrorum perfectum, quod pridem in votis fuit, nimirum processio corporis Christi, raro sine tumultu peragi solita propter dissidia quaedam inter cives Zagrabienses et canonicos, tranquille est peracta. Ad stationes etiam carmina a nostris studiosis recitari coepta. Scholae triginta super trecentos numeraverunt discipulos, ingenio, indole, pietate insignes, qui hoc anno congregationis virginis annuntiatae initium dederunt, litteris confirmatoriis Romae obtentis. Sequitur annus 1615., quo quatuordecim nostri collegium hoc incoluerunt, sacerdotes sex, magistri quatuor, totidem coadiutores. Venit hoc anno pater Stephanus Varadj Varadinensis Vngarus Zagrabiam doctum rhetoricam, cuius collegae fuerunt Daniel Bastelius poëta, Venceslaus Raushar, syntaxista, Gasparus Gonan, grammaticus, Georgius Czvetich, principiorum magister. Studiosi fuerunt circiter quadringenti, qui tres exhibuerunt actiones, unam in ipsa studiorum renovatione de sancto Ambrosio, quo tempore illustrissimus ac reverendissimus Ioannes Erdeodi in cathedrali ecclesia Zagrabiensi primum deo obtulit sacrificium. Alteram brevem et instar salutationis egerunt, dum illustrissimus Benedictus Turoczi regnorum Dalmatiae, Croatiae et Sclauoniae banatum acciperet, quae dignitas eodem in Ulyrico est, quae proregis esse solet. Tertiam de vinea evangelica cum variis ex antiquo testamento symbolis