VJESNIK 14. (ZAGREB, 1912)
Strana - 110
110 vedane mere kupczem ali prodavczem pobrati, robu pako prodavanu, ali kupuvanu confiscerati, y szprot pred chlovekom, chia je zapechatiti, et in sua integritate inviolabili do previgyenya chasztnika Varmegyiumszkoga pri szebi chuvati imaju. 5tioh pod kastigu oštre executie, po szvetle Kralicze y szl. Varmegyie prepovedano je, da godovna, gnojovosnya, karminszka, babinszka, y vsza druga nepotrebna z szuszedi y z vunszkemi lyudmi dovezda skodlivo obdersavana goschenya, chiszto nit pod nikakov nachin visse obszlusavati sze neszmeju. Szpodobnem pako nachinom vu vremenu zarukov y senitve vszi dari y nadelenya drusine (zvun szamoga zaruchnika, y zaruchnicze), kak takajsse drugam nossenye vina, kruha, mesza, y oszebnino babelniczam pogach, ne szamo chiszto prepovedano je, nego tulikaisse zaruchna, y szvadbena lisztor goschenya z velikemi doszad sztroski obszlusavana tak szamo sze dopuschaju, da jeden dan onde na kratkom od kud sze vodi, drugi pako dan onde kam sze zapelya mladenka, naivisse pet ali seszt lyudi toieto szvatov zebrati y zgosztiti sze more, y to da vszaki na szvoi sztan jos vu vecher sze posztaviti ima, niti k' hise mladosenye vu ime goschenya onda vech povernuti sze neszme. Akolibi koj pako preko ove naredbe setuval, tak na takove szelszki szuczi paziti imaju, y tarn sztiha vu vecher doiti, y prepovedati, da dalye od polnochi nikakovem nachinom szkupa szedeti neszmyu, nego jos vu vecher sze raziti ; drugach za onda nikakove med lyudmi y tak pianemi larme nepochimlye, nego potlam sz prilikum izdraven gozpodara hise kastiguvati nai nezamudi ali szuczu Orszachkomu prepove. 0 tich Akolibi sze komu kakov kvar pripetil vuchiniti, ali pri nyivah, ali szinokossah, ali goricza, takovoga sz prisesniki szvojemi poleg obodveh sztrankih nazochi bitja, presz vszakoga mita, y priatelsztva poleg pravicze y dusnoga szpoznanya preczeniti oblaszt imaju, y zato nikaj drugo vzeti neszmeju, nego na kuliko on dan szvoj poszel zamuditi bi bilo potrebno, toieto na czel dan (akolibi poszel tulik bil) nikaj visse nego 5 grossi, koje on podneszti dusen bude, koj kvar vuchini, y zrok sztroska da potrebuvati nemogu. Vu druge pako jos neprobuvane y na dvoinoszti sztojeche duge drugach sze nikaj naj nepuschaju, nego sz privolenyem Gozpode zemelyszke y nyihoveh Officzerov. Kada sze pako vino, ali kaj drugoga takovoga vu szuchiu kojega szucza na terstvo dopelya, onda ne szamo takova dugovanya visiterati, nego tulikaisse vagu, y meru isztinszku posztaviti dusen bude, pak y zato nikaj visse od jednoga grossa vrednoszti vzeti nemore. 7mich Zbog sztrahovitoga popripechenya ognya kvara nai marlivessu szkerb naj nosze, ter zato pechi krušne vu pogibelneh blizu pri drugom sztanyu mesztah zadersane od his nakraj odmeknuti naj vuchine, hitanye pussak, pussenye duhana vu teszne y pogibelne mesztah naj prepovedu. Mlake y zdencze pri hisah szkopati naj vuchine, gde pako takoveh imati moguche nebi bilo, tak onde bednye szuscza meszecza z vodum napunyene vu prilichnom mesztu na nahisu ali drugde vsigdar gotove kak takai lotre tia do krovov preszegajuche pri vszake hise, hakle pako i krampe selezne z obchinszkem sztroskom za czeloga szela haszen do meszecz dan preszkerbeti imaju, da takove szuczi szellszki pri szebe pod szussum vszigdar gotova dersati, y kak
