VJESNIK 13. (ZAGREB, 1911.)

Strana - 29

29 licenciju pred poctovanimi suci grada Mošćenic, ki suci videć potrebšćinu teh sirot i promišljajuć vsaki bolji put i pravicu za te siroti i obnajdoše, da ima ta Vicko to blago prodat po štime oficija grada Mošćenic i toliko da ima svoga blaga prežentat i postavit i to po štime za rečene siroti. Ki Vicko prezenta na Dubačnice svoga vlašćega blaga za dukat 100 i 12 so(ldini) 20. Ko blago je štimal sudac Juri Rubinić od Mošćenic, 2. meštar Anton Sablić od Dubačnice. Ko blago je najprvo jedan kus mirine i zemlja, ča je bilo pokojnoga Butka, pak hiša, kako kunfin stoji, i vrt vas i peć i za vsim pristojanjem i prihodom rečene hiše i vrta. Pak se najde ovde u Mošćenicah i na kuntrade mošćeničkoj blaga rečenih sirot za teh dukat 100 i 12 so(ldini) 20. Ko blago je štimal sudac Mihovil Lazarić, sudac ordinarij, i Andrej Lazarić, župan ordinarij grada Mošćenic, a to po zapovede mesnoga oficija i sudac (== gen. pl.) grada Mošćenic. Ko blago zručiše ti počtovani suci ovomu VicenCu Balarinu i da je mozi dat i prodat i darovat i kamo mu drago obrnit, kuntentajuć se jedna i druga partida. Na svedočastvo : Prvi Pre. Ivan Rubinić, 2. Matej Grabrovac. Jošće se najde teh sirot blaga u rukah tega Vicka za dukat 63, zato se vse platiše rečeni štimadori na blagu tega Vicka. Ja Pre. Petar Lazarić, n(ota)r oč(it) c(arskom) s(lobodom), pisah pravo, kako zgora. Original se nalazi u jednoj notarskoj bilježnici u arhivu Jugoslavenske akademije u Zagrebu. 24. U Mošćenicama, 16. veljače 1623. Matej Krhel i Martin Krhel izravnjavaju svoje račune. 1623. meseca prvara dan 16. v Mošćenicah v hiše Petra Krhela pred svedoki na prezente, pred kemi se mirno i ljubeznivo načiniše parti, ki su ovo na prezente, prvi Matej Kihel, 2. Martin Krhel, buduć potreboval rečeni Matej tega Martina niki račun, ki je bil dužan otac tega Martina, ča je bil pokojni Martin Krhel. Ki više pisani se načiniše mirno i bez pravde. Ki Martin pušća temu Matej u on penj, ki je bil njega pokojni otac zapenjal temu Mateju, ča je jedan kus zemlje orane, kako je, kunfini stoje od bure tega Martina, od grbina rečenoga Mateja, od juga komunada. Jošće' da ima ta Martin dat temu Mateju do prve Miholje libar 100 i 20. Na to daše veru jedan drugomu, da su kuntenti i mećuć vsi računi i deferencije, ke su bile meju njimi i