VJESNIK 13. (ZAGREB, 1911.)
Strana - 27
27 I pitajuć rečeni redi te doti mnogo krat prvo pred počtovanemi suci grada Mošćenic, i ki rečeni Martin se je branil z jednem tištamentom rečene pokojne svoje žene Lucije. Ki tištament be ubaljen od počtovaneh sudac, kako sej v sentencije udrži. I budući prežentan od parti agrivne(h) pred plemenitoga vicekapitana Beneta Sabatina, ki gospodin ubaljuje rečeni tištament, i da ima vratit rečeni Martin rečenu dotu tim redom. I jošće rečeni Martin ne otijuć satisvat sve rečene dote i tužeći se rečeni redi pred gospodinom Štefanom di Roveri, rečeni Martin govoreć, da ti redi uživaju jedan dolac tega Martina prez računa, ta plemeniti gospodin razumijuć govorenje jedne i druge strani, učini jednu sentenciju, potvrjuje sentenciju učinjenu po vicekapitanu Beneti Sabatinu ovim ord(in)acionom, da ti rečeni imejte najt i zbrat muži albitri za amodat vse deferencije meju rečenemi adveršari. Ki rečeni se kuntentase i zbraše svojih muži albitri, najprvo v Hriste Pre. Matej prezenta svoga albitra počtovanega muža Ivana Sepića, a ta rečeni Martin izbra počtovanega muža Marka Krnetu i prežentahu ih pred župana Grgura Monu, župana ordinarija^grada Mošćenic, ke parti daše veru županu, da su kuntenti, ča učine rečeni suci albitri. Ki rečeni župan roti teh albitri po zakonu pravdenom, da imaju pravo učinit za jednu i za drugu partidu, (ako) albi tr i ne moguć sami učinit, to da mozite rečena diferencije priseć (= prekinuti.) Najprvo mi rečeni suci albitri prizivamo ime Isusovo, od koga saka pravica ishodi, videći vsa pisma, module i hartu dotivu i sentencije učinjene od prvih sudac i plemeniteh kapitani, mi suci albitri najprvo potvrjujemo ono vse, čaj je pustila rečena Lucija crekvam i ubogem i sirotam. Za ostali mankament rečene proti videćega, videće mankament rečenem redom pokojnoga Jurja Lazarića, sudimo i osujujemo rečenoga Martina Mohovića libar 135, da u termenu do prve Miholje greduće ima popunit polovicu rečeneh pinez, a polovicu do božica prvega po Miholje, kako je zgora. Za dolac, ki jesu bili prijeli redi bivšega Jurja Lazarića, da onu intradu, ku su bili prijeli rečeni redi, su ju dobro prijeli, ča je sada obral, da imi rečeni Martin vazet seme nazad, a intradu délit pravo na pol. I ako ne bi satisval rečeni Martin do tega termena, da se mozite ti redi platit na tem dolce po štime po zakonu grada Mošćenic za tu sumu, ča je za libar 135. I to, sudimo sakem boljem putem i pravicu, mičuće i obaljuć vsa pisma i module i harti dotale, da ne mozi nijedan njih napred, kako se u sentenciji albitri udrži. Stavljamo penu marak 30 onomu, ki bi se pomaknul od ove sentencije, najprvo gospodinu marak 10, a v komun marak 10, a parte, ka bude saldo stala, marak 10
