VJESNIK 13. (ZAGREB, 1911.)
Strana - 22
22 tr je s podom, ka se konfina od treh stran komun, od zahoda sunca prodavač, uhran(ja)juć vse račune, ki se pristoje tomu atu s pati, da je more rišit, ke mu daje termen dan 4 leta i obetuje prodavač varentat i branit pod obligacione vsega, a cena je kuće libar 434, ke se kliče pro(da)vac, da je prijel v držaniju njega leta, ča je v milezime 1591,, buduć on s. rečene braće, kako je pisano meji računi. Klicano je na place ročkim po Lovrete Tomičiće pred svedoki, Simon Klobas tr Simon Surica. Ja pop Ivan Kovačić, sin pokojnoga Petra, notar očit po vlaste cesarskoj, pisah i položih moje ime i moj senjal za veće varansije. Original nalazi se u knjizi računa iste bratovštine u arhivu Jugoslavenske akademije. 13. U Boljunu, 7. prosinca 1600. Sud boljunski odsuđuje Šimuna Čohilja, što je dvor sagradio na crkvenom zemljištu. 1600. decebra dan 7. Namestnik župana Jurja Matkovića, sudac Matko Belic (?) i ostali sudci beše prikucani od Mihovila Kurelića, starešini oltara s(ve)toga Mikuli, i ostali časniki na diferenciju cicu jednoga dvora, ki je učinil Šimun Cohilj na zemlje rečenoga oltara i braći, ka je pušćena (v) taštamente pokojnoga Domeniga Šandardela onomu oltaru i braće. I tako budući na lice zemlji rečeni namestnik župana i sudci, i vidiše i po svedočastvu spoznaše, kuda su bili prvo kunfini postavljeni, da su bili vrženi van. I tako postaviše na sopet kunfini, kako stoje, a to ki se kunfinaju z njivu Mikulić i kade se vihaja van na ledinu. Kade je bil prvo kunfin, potvrdiše (i) drugi postaviše zdola dvora poli grma i zdola oškorušvi. I tako prizvavši ime božje, slišeći govorenje braćeniki i Šimuna Čohilja, i tako razumeše, Ča imehu razumet i proceniše, ča imehu procenit, i tako odlučiše, da rečeni Šimun Cohilj, ča je postavil dvor na zemlju crekvenu, da ga ni dobro postavu i da ga do Jurjevi prve, ka priđe, ima vazet tja pod penu 1 marku, sudcem i županu njihu penu, ako se z braćeniki ne napravi i ne korda i poli njih volji ne najde, i da ima dat braće, ča je dosada držal dvor na crekvenim, ulja libricu 1 i da ima jošće dat za selo braće so(ldini) 40, ča veće valja nego ga je kupil. I starešini kaštigaše za kavže, v keh je bil našast, a od sada naprvo da ne mozi ni more rečeni Šimun ni njega eredi ni nijedan drugi postavit dvora na rečenu zemlju crekvenu ni nijedan drugi ni fadigat je ni past pod grmi pod penu, kako se bude sudcu videlo, a to
