VJESNIK 12. (ZAGREB, 1910.)

Strana - 3

ä ès anndern irer kn. mt. aus gnaden oberzuantwurten beuelhen werden, demselben wir mit aller gehorsamen vnnderthanigkait nachuolgernn vnnd geloben wellen. Deshalben magst dw bemelten herren, die solher Sachen halben an dich belanngen, vnnserenthalben zu anntwurt geben vnnd geloben, das wir bey vnnsern treuen vnnd eern kainswegs wider ir kn. mt. beuelh thuen noch handeln wellen, sonnder mit solhen hewsern zw allerzeit irer kn. mt. als vnnserm genedigisten hernn gehorsam vnnd gewartig sein wellen vnnd kainswegs dieselben wider ir kn. mt. willen vorhalten. Datum Mösl, am XIIII octobris im XXVII jar. Solhes hab ich eur strenng vnnd gunst als meinem gepietunden lieben hernn im poestn nicht vorhalten wellen, dan mir auch von anndern orten des geslos Adlspergs halben mer ansuechung belanngen, aber eur strenng vnnd menigklich sollen sechen, das ichs kainen vbergeben wil sonnder der kn. mt. meinem allergenedigistn hernn, oder wem es ir kn. mt. eintzuantwurten beuelhen werden. Dan ich ainem herrn damit gewartig sein wil sonnst niemant anndern. Bitt auch e. st. well mein phlicht vnnd eer pass bedennken, als ich ainfaltiger solhes e. st. berichtn kann, der ich mich e. st. als meinem gepietunden lieben hernn in aller gehorsam beuelhen thuen. Datum Adlsperg am XVI tag octobris im XXVII. E. st. gesorsamer Thomass Nemanikh, phleger daselbst. Dem edlen vnd gestrenngen herrn Josephn von Lamberg ritter zu Schneeperg, landsuerweser in Crain, meinem gunstigen herrn. III. Beč, 18. oktobra 1527. Austrijska vlada šalje kapetanima Ivanu Apfaltermt, Ivanu Koferu i Grguru od Najhausa pismo grofa Turna o imanjima Adelsbergu i Najhausu, svojini grofa Ber nar dina Frankapana. Vnnser fruntlich diennst in guetten willen zuuor. Lieb frundt. Wir sennden euch hierinn verschlossen abschrift aines schreiben, so vnns her Niclass vom Thum in disen tagen zuegeschickht, darinn er anzeig, welhermassen graf Wernhardin von Frangenpan von seines suns weilent graf Cristoffn wegen der slosser vnnd herschafft Adlsperg vnd Neuhauss halben durch ainen seinen caplan ain Werbung thuen lassen, wie ir aus derselben abschrifft clerlichen zu uernemben vnd eure mithandlung desst statlicher darnach zu richten habet. Solhs wellen wir euch guetter meynung nicht verhalten. Geben zu Wien, am 18 tag octobris anno im 1527. Von stathalter vnd regenten. An Hannsen Aphalteren, haubtmann zu Sand Veit am Phlaumb, Hannsenn Hoffer, haubtman zu Tibein vnd Jergen von Neuhauss.