VJESNIK 12. (ZAGREB, 1910.)
Strana - 17
17 et domini, domini Maximiliani Sectmdi, dei gratia electi Romanorum imperatoris semper Augusti, ac Germaniae, Hungariae, Bohemiae etc. régis, archiducis Austriae, ducis Burgundiae etc. domini et principis nostri clementissimi, consiliarii etc., praeceptorias, nobis loquentes et directas, honore quo decuit recepimus in hec verba : Amicis suis reverendis capitulo ecclesiae Zagrabiensis Michael de Mere, locumtenens officii palatinalis regni Hungariae ac serenissimi principis et domini, domini Maximiliani Secundi, dei gratia electi Romanorum imperatoris semper Augusti ac Germaniae, Hungariae, Bohemiae etc. régis, archiducis Austriae, ducis Burgundiae etc. consiliarius, amicitiam paratam cum honore! Noveritis quod egregius magister Blasius Jo de Kazzahaza, fiscalis sacrae coronae et director causarum praefatae imperatoriae et regiae majestatis, domini nostri clementissimi, nobis exponere curavit in hune modum. Quomodo ipse nomine fisci suae majestatis per universos magnificos, egregiosque et nobiles, sed et ignobiles, ac alterius cuiusvis status et honestae conditionis homines, ecclesiasticos scilicet et seculares, vbivis in regno Sclavoniae constitutos et commorantes: de eo utrum quamplures coloni arcis Zomzedwara et castelli Alsozthwbycza propter tirranidem domini Francisci Tahy, agazonum regalium magistri et consiliarii ac capitanei praefatae majestatis imperatoriae et regiae, bona illorum et res amittere et sic in alia s partes aufugere coacti fuissent, quorumquidem colonorum propulsorum res mobiles pro se ademisset, domos vero et sessiones illorum ac vineas servitoribus suis distribuisset ; item quod contra quendam Stephanum, alias vicecastellanum spectabilis ac magnifici quondam domini Andreae Bathor, alias iudicis curiae et consiliarii eiusdem majestatis imperatoriae, pro tune autem similiter vicecastellanum ipsius domini Francisci Tahy, in portione sua ibidem in dicto Castro Zomzedwara constitutum, colonum scilicet praedialem utriusque nempe suae majestatis ac eiusdem domini Francisci Tahy partis in possessione Berdocz commorantem, iurisrevisionem per certos probos nobiles administrare fecisset, quem licet iuridice absolutum fore ab omnibus actionibus et acquisitionibus dicti domini Francisci Tahy iidem nobiles viri pronunciassent et délibérassent, post latam tarnen et pronunctiatam sententiam, contra iudiciariam deliberationem praenotatorum proborum hominum, tune convocatorum, iniuriose sineque iusta et legittima causa deliberative capite obtruncari fecisset; item quod quendam nobilem Joannem Zabo, servitorem scilicet relictae Andreae Hennyngh, in libéra et publica via captivari, captumque primum ad castellum Zthwbycza, tandem vero hiberno tempore in maximis frigoribus, pedibus et aliis membris nudatis, ad arcem Zomzedwara deduci, compedibus ferreis convici et in carcerem intrudi, tamdiuque ibidem deliberative asservari fecisset, vt prae nimio frigore, inediaque et siti idem Joannes Zabo mortem obiisset. et sic 9
