VJESNIK 12. (ZAGREB, 1910.)
Strana - 188
188 memoriae commendo tenore praesentium significando quibus expedit universis. Qualiter in anno et die suprascripto ad instantiam et legitimam requisitionem nobilis Dominae Rebeccae Steffoich, Generosi olim Georgij Zaversky relictae viduae, vigore specialis commissionis spectabilis Domini Ignatij Francisci Czinderi, Regnorum Dalmatiae, Croatiae et Sclavoniae Magistri Vice Prothonotarij, qua Incliti Comitatus Varasdinensis Vice-Comitis, reaüs facta est infrascripta, Bonis in iisdem supraannotatae Dominae Rebeccae Steffoich Zaversie vocatis sub Castro Bellecz, omnino in possessione et districtu eiusdem nominis Comitatuque Varasdinensi existentibus et habitis, vera, genuina, sincera et conscientiosa conscriptio et aestimatio universorum Bonorum, rerumque mobilium, praesentibus Generosis, Egregijs et Nobilibus Stephano Fodroczi, Joanne Fertaly aliter Mikulchich, Joanne Prenar, Georgio Zaverski, Michaële Vidak, Georgio Rosich aliter Mottichich, Georgio Jakopovich generosi Domini Josephi Magdich spano seu oficiali, Martino Szlusich, alijsque quam plurimis ad id aptis et inteligentibus hominibus. Ubi eotum et ibidem mérita infrascripta reperissem, aestimassem et apretiassem, consequenterque reperissemus, aestimassemus et apretiassemus modo et ordine infra uberius denotato. Et imprimis Curiam cum universis eiusdem Curiae deservientibus, antiquam et valide ruinosam ex putridis antiquis et in unum fere, nisi fulcris sustentarentur, colabentibus roboribus, eandem non ultra valere quam 35 Florenos adinvenerimus, apretiaverimus et aestimaverimus. Dico Florenorum Rhenen. 35. Item Culinam ante quatuor circiter annos noviter extructam cum cubiculo eidem culinae annexo pro conservandis rebus culinarijs; ad Florenos Rhenen. 15. Item certum aedificium po exsicandis fructibus vulgo Pechnicza dictum antiquum; ad Flor. Rhen. 1, gr. 10. Item aedificium s. s. venia pro maialibus ad portas duas; ad Florenos Rhenen. 2. Item haram pro bobus et vaccis cum cubiculo annexo pro conservandis vitulis; ad Flor. Rhen. 10. Item stabulum cum conservatorio foeni ibidem annexo; ad Flor. Rhenen. 12. Item certum novum aedificium pro conservando frumento ante Septem circiter annos noviter extructum cum aplicamine, ubi rotae, aratra, carpentum et similia conservari possunt; ad Flor. Rhenen. 22. Item horeum cum aplicamine seu conservatorio vulgo parma dictum, ex una et alia parte ante annos circiter decem ex solis roboribus noviter extructum, ubi frumentum et stramen conservari potest; ad Flor. Rhen. 20.
