VJESNIK 12. (ZAGREB, 1910.)

Strana - 158

158 brat i da dobiva vunu za onu ljubav, ku mi je sada učinil, i da skupa dobivata s moju ženu i da njoj nima kratit, kada bude njoj tribi. Pušćam ocu misi 2 od kuventa i da zna, da imam ovac 20 velih. 1 činih prizvat dobrih i poštenih ljudi, ki budu za svedočastvo, Matija Furentina i Mikulu Bogdanića i Gržana Furentina i Mikulu Mavrovića i Matija Topola. 24. Matij Lahović. V ime bžje i bžne divi Marije, amen, let Hva rojstva 1645., indicijon 13., na dan 11. maja (v) Varbnici v kući mane nodara pred svedoci Jurjem Bolonićem i Matijem Ostrogovićem i Šimunom Oštrobradićem. Pred rečenimi svedoci budući tu prežento prisai Matij Lahović, ki rečeni me prosi, da mu pišem njega jedan at od kundicil, da ima pojt na galiju, a ne zna, ako mu se primiri smart na rečeno(m) puti. I reče: Pušća svomu ocu vse njega dobro stabilo i mobilo, ča koli se najde njegova do soldina g. I da zna rečeni moj otac, da imam u moje sestri Ursi moga dobra lbr 75., a u sestri Mandi lbr 30, a to, ča mi biše podložila dolca v Ravni za moj dei dolca Vrana, ka (se) udarži v atih nodarijeu Ivana Stašića, i da to ima vse imit moj otac. A da mi je obligan moj otac opravit (dušu), kako je zakon varbanski, dan parvi i sedmi i na 40. i na godišće i da mi čini zvonjenji let 6, a dajevoljan moj otac učinit od mojega dobra, ča njemu drago, prodat i darovat, kako njegovo blago, da mu ne mozi nigdore protivit. 25. Redi Zvezdanove. 1645. na dan 30. novembra bili Mikula Bozanić i Andrij Tolanić, ka razdilista kuću p. Katarini Jurčića, da 'ma dat ali pomaknut Vid pol nogi kuće, a Kate da 'ma dat Mandi lbr 12. 1644. na dan najzadnji sehtebra referi Bartol Polonijo i Miküla Lahović, ka štimasta deli od kuće zgora rečenih redi, dei Katin dukat 29, dei Mandin dukat 25, dei Vidov 25, 1650. referi Juraj Bol(o)nić i Mikula Galas dei Katin brajad v lugu kraj gorinji lbr 25 s livelom pšenice v karu (= kamaru), — dei Mandin brajd v lugu kraj dolinji lbr 25 s delom supca, — dei Vidov brajd v lukah lbr 25 i damo pol supca kraj dolinji i dajemo mu pol mekotice pod Zavok, a polovicu dajemo Mandi, prtu mekoti, ča proda vart Ivaniću. — Kati mlade mekot na Vitacenicah i vart poli Jere Slaninića za lbr 30 i dajemo njoj i Mandi obima skupa supca pot dolinjega. 1650. na dan 28. novembra pred svedoci Gržanom Tomašićem i Jurjem Cvetcićem oziva se Manda nje bratu Vidu kuntenta i plaćena za nje dei mekotice na Volaci.