VJESNIK 12. (ZAGREB, 1910.)

Strana - 156

156 i Kate, da njim mozite vzet moji prokaduri njih deli i prodat i da ovarše moje urdini. I oću, da mi imata činit vsaki jedne mise stga Gargura. I činih mojih prokaduri gna plovana i Jurja Starčića, ka imata činit ovaršit vse moje urdini, i to njima stavim na njiju dušu i poli, njiju da bude Güstin Podčić za prokadura. Pušćam li rečenima Kati i Franiću jednu bači i jednu i škrinju, ka je poli kontorati, i dvi odeli. Pušćam popu Ivanu Uraviću jednu dolamu, da mi reče jedne mise stga Gargura. Pušćam popu Matiju Prašniću jednu dolamu, da mi ima činit jedne mise stga Gargura. Pušćam popu Matiju Saftiću jednu dolamu, da mi ima činit jedne mise stga Gargura. Pušćam popu Mikuli Volariću jednu dolamu, da mi ima činit jedne mise stga Gargura. Pušćam žaknu Matiju Garžetiću moju kotu novu, da moli ba (= boga) za me. Pušćam zgora rečenima Kati i Franiću moje brajdi na Bolančini, da je razdilita na pol i da mi imata činit obeda dva. I činih prizvat dobrih i poštenih ljudi, ki budu za svedočastvo na 'vom mojem urdini poslidnjem, popa Ivana Bogdanića i Mikulu Saražića i Matija Dubanić i popa Gržana Dvorničića i Matija Justinića, vsi od Varbnika, pred kimi bi štan i (pu)plikan rečeni tištament i bi pohvaljen po rečenom tištaduri. 19. Mikula Paučić. V ime bžje i bžne divi Marije, amen, let Hva rojstva 1645., indicijon 13., na dan 9. aprila, budući (v) Varbnici v kući mane nodara pred svedoci Antonom Valjkovićem i Matijem Dvorničićem. Pred rečenimi svedoci, budući tu prežento Ivan Vitezić, i ta reče, da 'prodaje njega tastu Mikuli Panciću njega vart v Risiki poli kuće, slobodan, po štimi, i mekoticu, ka je poli Cišćaka, vse po štimi. I bi klicano po oficijali Ivani Sparožići na zakoni kaštela Varbnika nedilje tri parve po rečenom štrumenti. 1645. na dan 18. aprila referi Petar Fugošić i Ivan Radivojić, ka štimasta zgora rečene zemlje skupa obi dvi lbr. 55. 20. Anton Valjković. V ime bžje i bžne divi Marije, amen, let Hva rojstva 1645., indicijon 13., na dan 9. aprila (v) Varbnici v kući mane nodara pred svedoci Matijem Dvorničićem i Ivanom Vitezićem. Pred rečenimi svedoci [rečenimi], budući (v) Varbnici tu prežento Mikula Pancić, reče, da prodaje Antonu Valjkoviću njega jedan kus zemlje i jednu mekoticu na kunfini Varbanskom, kadi se zove na Rankovi, mekotica slobodna, a mekot s livelom stga Marka. Ka zemlje biše klicani po oficijali Ivani Sparožići na zakoni kaštela Varbnika nedilje tri parve po rečenom štrumenti. 1645. na dan 23. aprila referi Petar Fugošić i Matij Topolić, rotnici, ka štimasta zgora rečene zemlje lbr 45,