VJESNIK 12. (ZAGREB, 1910.)

Strana - 154

154 ke bih pustil mojemu bratu Franku, ča je Lukan i zemlju za guvninu. I kasivam doli redi, ki bihu, a sa(d) je činim redi dieu Ivana Feretića, ki su š njega ženu Katarinu, hćeru p. Fumice, i obitelj nje brata Matija. I kasivam misal, ki bih pustil žaknu, sinu Mihovila Garžetića, a sa(d) ga pušćam sinu Ivana Feretića. Pušćam moj darmun, ki sam kupil od Uravića, Ivanu Feretiću. Pušć(am) vart, ki je pod Dragavicu dići zgora rečene Katarini. Pušćam Ivanu, sinu rečene Katarini, moj barvijl. Pušćam popu Mihovilu i popu Jurju Fugošiću vsakomu jednu dolamu sarzenu. Pušćam Ivanu, sinu Ivana Feretića, brajdi, ke se zovu Bevena i dva reda likasta pod Bevenu. Pušć(am) zvonenji let 50, da 'ma plaćat mirišće so(ldini) 20, a darmun so(ldini) 20 cidarni i da mi se islužit misa do dan 40 v crikvi stga Štipana i da me zakopaja v crikvi stga Štipana i da se plati kako i druži i da se dadu obedi, kako je zakon četire, i da se čini tepež. Pušćam li zgora rečenomu Ivanu moj pol mirišća, ako bude pop, ako ne bude, da gre vsim njega bratom i sestram, ki budu š njega materu. Pušćam i škrinju, ka je orihova, ka je veća, dići Matijevi, a i škrinju drugu li orihovu manju, ka je poli postilje, zgora rečenomu Ivanu i pušćam jednu bači, a jednu dići Matijevi. A kundicilij parvi mećem ga doli, a .ovo, ča je pisano va 'vom, oću da bude tvardo i stanovito va viki. I čih (== činih) prizvat dobrih i poštenih ljudi, ki budu svedoki, meštar Juraj Mavrović i Anton Tabako i Barić Rebčić, pred kimi bi puplikan i pohvaljen rečeni kundicilij. 14. Štipan Čamčić. V ime bžje i bžne dive Marije, amen, let Hva rojstva 1644., indicijon 12., na dan 17. ijuna, budući v Dobrinji na cimitiri pred svedoci, Juraj Plišićem i Barićem Uravićem. Pred rečenimi svedoci budući tu prežento Matij Carnčić, ki rečeni prodaje njega bratu Štipanu njega dei kuće v Dobrinji poli Štipana, z tarmuntani kuća Jeleni Uravića, rešto komunada, po štimi, ku učini Petar Garčković i Juraj Agnušić lbr 80. I oziva se rečeni Matij od Štipana kuntenat i plaćen, dajući mu poseg od rečene kuće njemu i njega redu, da su voljni uživati, dati, darovati i prodati kako svoje pravo blago, obligući ga braniti pod obligacijon vsih svojih dobai i cetera. I bi klicano po oficijali Mihovili Kirinčići nedilje tri parve po rečenom štrumenti. 15. Marko Mavrović. V ime bžje i bžne divi Marije, amen, let Hva rojstva 1644., indicijon 12.. na dan tri ijulija, budući v Dobrinji v kući Marka Mavrovića pred svedoci popom Petrom Frančićem i Martinom Knastacem od Hriljina. Pred rečenimi svedoci, budući tu prežento Petar i Matij Garčkovići, brati, sini p. Mikuli, ka rečena prodata zgora reče-