VJESNIK 12. (ZAGREB, 1910.)
Strana - 10
10 X. Ostrogon, 18. decembra 1527. Revers grofa Bernardina Frankapana o posredovanju gradova Adelsberga i Najhausa. Ich Bernhardin de Menesis 1 des durchleuchtigisten grossmächtigen fursten vnd herrn Ferdinannden zu Hungern, Behaim etc. kunig, infanten in Hispanien, ertzhertzogen zu Osterreich, herzogen zu Burgundt etc. meines genädigisten herrn cämerling, bekhenn für mich, mein erben vnd nachkomen offennlich mit disem brief, als die hochgedacht kuniglich mayestat mir in ansehung meiner diennst, so ich ir kn. mt. bisher gethon vnd hinfuran thun soll vnd mag vnd auss besondern gnaden die zwo herrschafften vnd slösser Adlsperg vnd Newhauss, so ir mt. iungst nach abganng weylennt graf Cristoff von Franngenpan haimgeuallen mit allen obrigkhaitten, herrligkhaiten, rennten, gulten, meutten, zinnsen, diennsten, wänndln, feilen, puessen, robaten vnd annder ein vnd zuegehorungen, wie die daselbst sein oder namen haben, von alter darzue gehört vnd in Vrbar puechern nach der iungstgehalten reformacion begriffen sein, phleg vnd bestanndtweiss vmb achthundert guldin jährlichs bestanndtgellts mein lebennlang eingegeben vnd zuegestellt hat. Also das ih zum hinfuran mein lebenlanng dieselben bede slösser huetten vnd verwaren, auch irer kn. mt. vnd ir mt. erben vnd nachkomen mit bemelten irer kn. mt. slössern gehorsam vnd gewärtig sein, irer kn. mt. die offen halten, ir mt. vnd die ihenen, so ir kn. mt. darzue schaffen, darein vnd daraus vnd darinnen ennthalten lassen zu allen irer kn. mt. notturfften, als offt das begert wirdet, wider menigclich, niemannds ausgenomen, doch auf derselben irer kn. mt. aigen cossten vnd on mein mergclichen schaden auch von denselben slossern kain krieg noch vehd anhafen thun noch treiben noch mir damit gegen den veindten, ob ir kn. mt. die ye zu Zeiten haben wurde, befriden noch fridlich austänndt annemen noch ainherlay auf irer kn. mt. cossten darauf verpawen, es beschahe dann nach irer mt. behaissen vnd beuelh ; das ich auch gleichs geriebt vnd recht fueren dem armen als dem reichen vnd dem reichen als dem armen, vnd irer mt. leut vnd vnnderthanen, zu den eegenanten slössern vnd herrschafften gehörig, vber die gewondlichen nutz, rennt, zinss, diennst, feil, wändl, -robat vnd in vnpillich weg wider alt herkomen nicht tringen noch beswärn noch irer mt. herlichait dauon enntziehen lassen vnd das selbst auch nicht thuen, sonnder diebay biss an ir mt. vesstigelich hannd haben vnd halten soll, vnd vber das alles irer kn. mt. das obbestimbt bestanndgellt järlich vnd yedes iar besonnder achthundert guldin reinisch in muntz, je sechtzig krewtzer für ainen guldin zu rechnen, herauss in irer mt. vitzdombambt in Crain raithen vnd bezallen vnd wan ir mt. 1 Ovako f Sto ovaj naslov znači, nije nam poznato.
