VJESNIK 12. (ZAGREB, 1910.)

Strana - 123

123 biensis, ac magister Joannes Petrychouich regni nostri Sclavoniae ViceProthonotarius, speciales nuncii ordinum ac statuum fidelium subditorum nostrorum regnorum nostrorum Croatiae et Sclavoniae, ad praesentem generalem conventum nostrum, pro festo purificationis beatissimae Mariae virginis nunc praeterito hic Posonii ex edicto nostro celebratum, missi, nominibus et in personis ipsorum statuum et ordinum eorundem regnorum nostrorum Croatiae et Sclavoniae exhibuerunt nobis et praesentaverunt humiliter infrascriptos articulos, ex edicto nostro in congregatione eorundem generali pro festo beatae Agathae virginis et martyris proxime praeterito tempore videlicet inductionis et creationis fidelis nostri magnifici Christophori Vnghnod etc. in banum praedictorum regnorum nostrorum Dalmatiae, Croatiae et Sclavoniae, in civitate nostra Montisgraecensis Zagrabiensis celebrata, communibus omnium ipsorum votis conclusos, supplicaveruntque nobis nominibus quorum supra humiliter, ut universos et singulos articulos ipsos omniaque et singula TU eis contenta, ratas, gratas et accepta habentes, authoritate et potestate nostra regia acceptare, approbare, et confirmare atque tam nos ipsi observare, quam per alios omnes, quorum interest, observari facera dignaremur. Quorum articulorum tenor talis est: Articuli statuum et ordinum regnorum Croatiae et Sclavoniae, ex aedicto sacrae caesareae et regiae majestatis in congregatione eorundem generali, pro festo beatae Agathae virginis et martyris proxime praeterito, tempore videlicet inductionis et creationis spectabilis et magnifici domini Cristophori Vngnod etc. in banum regnorum Dalmatiae, Croatiae et Sclavoniae, in civitate Montisgrecensis Zagrabiensis celebrata, editi. Anno domini MDLXXVIII-o. Inprimis universi domini status et ordines praescriptorum regnorum sacrae caesareae et regiae majestati domino ipsorum clementissimo paternam clementiam, quam ad plurimas supplicationes et intercessiones eorundem a certis praeteritis annis ad suam sacram Maiestatem factas, quod videlicet praefatum dominum banum iam diu desideratissimum per reverendissimum dominum Georgium Draskovich archiepiscopum Colocensem etc. et generosum dominum Christophorum a Kinigspergh, suae sacrae majestatis speciales commissarios, in medium praefatorum dominorum regnicolarum sua sacra majestas inducere et eisdem fidelibus suis regnicolis praesentari curavit, fidelibus illorum servitiis promereri curabunt. Quem dominum banum praefati domini regnicolae pari voto recognoscunt, qui dominus banus coram praescriptis dominis commissariis, statibusque et ordinibus regni veterana laudabili consuetudine solenniter solitum praestitit juramen/um. Similiter et egregium dominum Stephanum de Gregoriancz, per praefatum dominum banum electum vicebanum, ipsi domini regnicolae pro vicebano regni ac comité comitatuum Zagrabiensis et Crisiensis