VJESNIK 12. (ZAGREB, 1910.)

Strana - 112

112 svedoci (prodaje) Juraj Gržetić jednu svoju zemlju oraću Jurju Taniću za lbr. 38, kako bi štiman(a) po suci Ivani Žuljevići i Antoni Kirinčići lbr. 38 z dohodkom ste Jeleni, ka zemlja jest (v) kunfini Dobrinja, potočini, z bure komunada, z juga zemlja Jurja Kosirića, z garbina i z tarmuntani put i ako se najdu ke pravije kunfini, da su naprida, imite postaviti. Za ke više rečene pinezi rečeni Juraj, ki prodaje, je se ozval kuntenat i plaćen od rečenoga Jurja kupca do soldina i do beča i da veće ne more naprida (mogal) pitat ni moleštati, dajuć poseg od rečene zemlje rečenomu Jurju kupcu i njega redom vaviki i obligivajuć i podlažuć toliko drugoga pošišijuna pod rečenu prodaju dadi mu drago i cetera. Ja Andrij Tolanić, nodar puplik, pisah i zneh iz at nodarije p. Jurja Jakominića. 8. 1621. na dan 28. ijulija, budući v Dobrinji v kući mane nodara pred svedoci, pred Antonom Vitezićem i pred popom Barićem Jakominićem. I pred timi svedoci prodaje Juraj Štarčić jedan kus brajad, ke su njemu prišli po njega ženi, a to Jurju Taniću za lbr. 50, kako bi štimano po suci Tomići Gardovići i Ivani Šegulići lbr. 50 libero franko, ke bra(j)di jesu v Solinah, ke se zovu Ograda, kraj s tarmuntani do sinjali. Za ke više rečene pinezi rečeni Juraj, ki prodaje, je se ozval kuntenat i plaćen od rečenoga Jurja kupca do soldina i do beča i daje poseg od rečenih brajd rečenomu Jurju i njega redu vaviki. Po oficijali Jurji Šamanići jesu svaršeni sve tri kliče na zakoni (v) Solinah, ča su nedilje tri. Ja Andrij Tolanić, nodar puplik, pisah iz at nodarije p. Jurja Jakominića. 9. 1621. na dan 26. aprila, budući v Dobrinji v kući mane nodara pred svedoci, pred Mikulu Justinićem i Jurj(em) Perušićem. I pre(d) timi svedoci prodaje Luka Gardović vas svoj dei brajad i um(ej)ka Jurju Taniću za lbr. 76, kako bi štimano po suci Ivani Šegulići i Jurji Sučići lbr. 76 libero i franko. Ke brajdi su v Solinah (v) Krasi, ke se zovu Ograda, kraj z juga do sinjali Za ke više rečene pinezi rečeni Luka, ki prodaje, je se ozval kuntenat i plaćen od rečenoga Jurja kupca do soldina i do beča, dajući poseg od rečenih brajd rečenomu Jurju kupcu i njega redom vaviki i cetera. Po oficijali Jurji Šamanići jesu svaršeni tri kliče tri nedilje na zakoni (v) Sužani. Ja Andrij Tolanić, nodar puplik, pisah i zneh iz at nodarije p. Jurja Jakominića.