VJESNIK 12. (ZAGREB, 1910.)
Strana - 109
109 kupca, z garbina brašćine od Varbnika, s tarmuntani komunada, a po štimi suca Ivana Šegulića i suca Matija Plišića, i jesu štimali parvu fsu polovicu, ka biše Mikuli Gardo vica, za lbr. 57. I rečeni Mikula od Jurja Tanića ozvoziva se kuntenat i plaćen za svoju polovicu darmuna. Tako i Matij Štarčić na ime svoje i na ime Safti o. Ivana Šamanića i na ime redi o. Ivana Feritića za svoj ostanak darmuna zgora rečenoga, ki bi štiman od više rečenih dobrih mužih rotnicih za lbr. 60, od Jurja Tanića ozva se kuntenti i plaćeni, dadući mu od rečenoga darmuna poses i vično daržanje za vaviki. — Po Mihovili Furlanići, oficijali od Dobrinja, i Lovrići, oficijali od Sužana, fsak na svojem mesti na zakoni jesu svaršeni fse kliče tri, fse tri nedilje pasane na zakoni i po zakonu, po rečenom ištarmentu. Ja Pero Tadilović, nodar, pupliko pisah puplikim načinom kaštela Dobrinja, a s oblastijum od presvitle i zmožne gospode benetački, pravo i verno škuntrah s moji(mi) knjigami. 2. Kuća v Dobrinji na Stenicah za lbr. 570. Va ime Iha, amen 1630. na dan 25. ijulija. Kumpari Spreda mnum nodarom i svedoci podpisanimi tu prižento Barić Uravić ö Matija, ki fsakim boljim načinom, s kim se more, za se i za svoj red za vaviki jest dal i stanovito prodal sucu Jurju Štarčiću ö Barića, za se i za svoj red za vaviki prijemljući, a to jednu kuću i svoju konobum od zdola i s jednum pećnicu razvaljenu sprida položenu f Dobrinji i svojim(i) kunfini, z bure kuća redi ö Jurja Feretića i fse vokolo put, shranjajući i nje pravije kunfini, za udaržati i uživati s lazom i sa fsim, ča rečenu kuću pristoji, a to po ceni i va ime ceni od lbr. 600, kako bi štimano po dobrih mužih i po rotnicih pratikih od obe strane izabrani ; poštovani Ivan Vicić i Franko Antončić za to jesu izibrani na račun od pinez. Rečeni kupac je se obligal zgora rečenomu prodavcu na puni izbrojiti lbr 600 do najzadnjega klica. I tako se kuntentaše obe strane, obligujući se jedna stran drugoj pod obligacijon fsega svoga dobra za mantinati, budući v Dobrinji f kući u mene nodara tu prižento spred više rečenimi svedoci, jesu na to zvani i prošeni Ivan Justinić, Andrij Kirinčić i Matij Plišišić. 1630. miseca agusta na dan 3., Lucka, hći, i Franko, sin ö Matija Uravića, i Ivan Tanić vsi tri zoskupa (i) kuntradikaše i depožitaše subito lbr. 220 za rečenu prodavu i za bolje reći spred pravdum i za njih interesi, tu prižento spred svedoci na to zvani i prošeni Ivan Kocijan i Matiti Plišić. A sudac Juraj Štarčić, išćući i želijući od boga mira, varže se doli od svoje noti i dvignul je svoj depozit, ki biše on dal Bariću Uraviću, prvo nego biše štimana rečena kuća, Juraj Štarčić dvignu depozit i varže se od noti, a vaze lbr 220 tu prižento spred svedoci
