VJESNIK 11. (ZAGREB, 1909.)

Strana - 67

67" vili mir mit dem Volkh ons Geschüz zu thuen menschlich vnd muglich sein wirdt, khain Vleiss vnderlassen. Wider das Capitl khan , ich sonnder ain gwelltig Schuz nichts fruchtpers fürnemen oder aussrichten, dann es ain guet, vesst vnd wollgepawen Hawss, dem ons Geschüz nichts abzugewinnen ist. [Ich hab nun offtermaln vmb Hanndtgeschüz, Municion alls Puluer vnd Bley geschriben, ist aber auch meins Bedungkhens wenig genug angesehen ; vnd diweil di halb Haggenschüzen so gar an Puluer erschöpft vnd ploss seyn, das sy auf ainen Tag, wann mich ain Not anstiess, nit versehen, vnd di Stat hie auch khain Puluer hat, bitt ich Euch alls meinen freuntlichen lieben Schwager, wollet k. M. souerr Ir irnndert Puluer habt, alls vill Ir möget, darstregkhen, daran will ich sein, das Euch dasselb bezallt vnd erstatt werde. Vnd ob es schon Haggenpuluer ist, mag mans doch alles richten, das man es zum Hanndgeschuz auch prauchn mag. Damit alzen thue ich mich euch alls meinem lieben Herrn Schwager beuelchen. Datum Agram den VI. Tag Augusti anno 29. Der Bischoff hat sich mit seinem Volkh wider zum Khreuz gezogen, daselbs wie ich vernimb abermalls ainen Lanndtag ausgeschriben, vnd alle di darauf erfordert, so vormalls nit erschinen sindt, bin deshalb entslossen so bald di Stewrer ankhomen, ime zuegehn vnd mit ime zu schiahn. Niclas vom Thurn Ritter, Obrister. Dolje : Abschrifft Herr Niclasn von Thurn Schreibn. Od druge ruke: An H. Hansn Vngnaden. Suvremeni prepis u ces. i kr. ratnom arkivu u Beču. XX. 1529. augusta 7. u Gracu. Sigmund Dietrichstein, zemaljski kapetan štajerski, donjo-austrijskom namjesničkom vijeću i komori. Gebietund lieb Herren vnnd Freundt! Mir ist in diser Stundt ain Schreiben von denen von Kernntn zuekuemen, darinn sy mir anzaigen, diweil inen Khundschafft kumen sey, das der Bischoff von Agramb abzogen ist, sey vnnot ir Rüstigung zu schigcken, haben auch solichs abgestellt, des ich nit klain erschrockhen bin. Sorg weer vill Verhindernus geboren. Es ist meines Achten nit gnug, das der Bischoff von Agramb abzogen ist. Er khan morgen wider kumben, mit Hillf des Turgkhen oder in annder Weeg die Lanndt beschedigen vnd verderben.