VJESNIK 11. (ZAGREB, 1909.)

Strana - 58

58 Damit beuelch ich mich euch als meinem sonderlich lieben Herrn vnd Freund. Datum Agram in Eill den XXIII. July vmb mitten Tag 1529. N. v. T. Ritter Obrister. Gleich wie ich das Schreyben verfertigt, sein mir mundlich vnd schriftlich Warnungen vom Baan zuekhumen, der Bischoff ziehe mit aller Macht darherr. Ir secht das es die Not ertordert, darvmb last das Volgkh khain Stundt, khain Tag feyren. Datum ut supra in ista hora. An Herrn Landshaubtman in Steyr Herrn Herrn Sigmunden von Dietrichstain. Suvremeni prepis u ces. i kr. ratnom arkivu u Beču. X. 1529. julija 24. pred Zagrebom. Ivan Pichler zemaljskomu kapetanu štajerskomu Sigmundu Dietrichsteinu. Wolgebornner gnädiger Herr! Euch sein in allweg mein geflissen willig Dinst beuor. Ich fueg euch zu vernemen, das mir abermals ain Schreiben an E. G. lauttundt zuekhomen, das mir Khu. Mt. Obrist Veldthaubtman Herr Niclas von Thurn zuegesenndt mit Beuelch solich Schreyben E. G. zue zu schickhen, vnd daneben E. G. zue schreyben, das sich der Bischoff mit seinem Anhang alls heut dato fur die Stat Agramb gelegert, pittendt E. G, damit E. G. mit dem Zuezug vnnd Auffpott auffs peldest auff wären, damit nit allein den von Agramb Schannd vnd Spott widerfar, sonnder E. G. mag selbs ermessen, das der Bischoff vill weytter herauss auff khu. Mt. Lanndt greyffen wirdet. Demnach so war es guet das E. G. sich auff das peldist vnd sterckhest versamblet vnnd das Volckh her verordnet, damit man sich mag des Bischoffs erweren vnnd in sambt seinem Anhang on Widerstand thuen. Ich gib auch E. G. zu vernemen, alls die Spanier erstlich gen Agramb ankhumen, haben sy etlich Pfaffen Heuser abprenndt, so aber heut der Bischoff vnnder die Stat khumen, hat er die Vorstat gar abprenndt. Man zeucht im auch vasst zue von Pawern vnnd gemain Volckh, des wirft er ein grossen Hawffen haben. Die gemain Sag ist, das im der Turckh auch zue Hilft zuezeucht. Verhoff aber zue Gott, wen wir nur versamelt bey einander waren vnnd sein Hawffen des innen wirdet, so werden die Pawrn all von im entlauffen. Gott geb wie es vmb die anndcrn beschäch. Damit beuelch ich mich E. G. alls