VJESNIK 11. (ZAGREB, 1909.)
Strana - 16
16 excellentes animi dotes fidelis nostri reverendi Joannis Monozloy, episcopi Quinqueecclesiensis et consiliarii nostri, quibus ipsum dei altissimi munere insignitum et ornatum non modo aliorum fide digno testimonio, verum etiam experientia nostra propria cognovimus : eundem tamquam personam idoneam et benemeritam ad episcopatum ecclesiae Zagrabiensis, nec non abbatiam B. M. Virginis de Topuzka ordinis Cisterciensium, eidem episcopatui Zagrabiensi jam inde a pluribus annis annexam et unitam, nunc per translationem reverendissimi in Christo patris Georgii Draskovych, electi archiepiscopi Coloczensis, summi cancellarii nostri, ejusdem ecclesiae Zagrabiensis et abbatiae de Topuzka ultimi veri legitimi et immediati possessoris, ad episcopatum ecclesiae Jaurinensis per nos certis et gravibus de causis factam, de jure et de facto vacantes, authoritate juris patronatus nostri regii, quod in conferendis universis praedicti regni nostri Hungariae ecclesiis et beneficiis instar divorum quondam Hungariae regum, praedecessorum felicis memoriae, optimo jure habere et exercere dinoscimur, duximus nominandum, eligendum et praesentandum, ac eundem episcopatum simul et abbatiam de Topuzka una cum omnibus castris, castellis, civitatibus, oppidis, villis, possessionibus , praediis, portionibus ac aliis cunctis pertinentiis, bonisque et juribus possessionariis, ubivis et in quibuscunque regnorum nostrorum Ungariae, Croatiae et Sclavoniae eisque subjectarum partium comitatibus existentibus et quocunque nomine vocitatis, ad eundem episcopatum Zagrabiensem ac abbatiam de Topuzka de jure et ab antiquo spectantibus et pertinere debentibus, nec noc cum omnibus ejusdem juribus, honoribus, libertatibus, praerogativis, proventibus, obventionibus et emolumentis, ac jure patronatus conferendi et disponendi personis idoneis et benemeritis omnia, et singula bénéficia, dignitates, canonicatus, nec non praebendas in eadem ecclesia Zagrabiensi temporum in successu quacunque ratione vacaturas, excepta tarnen praepositura majori ejusdem ecclesiae, cujus collationem nobis reservamus, praefato Joanni a Monozlo dandum et conferendum duximus. Imo nominamus, eligimus, et praesentamus, damusque et conferimus praesentium per vigorem. Quocirca vobis fidelibus nostris honorabilibus praeposito majori, lectori, cantori, custodi caeterisque canonicis ac beneficiatis, totique clero tam dictae ecclesiae Zagrabiensis, quam abbatiae praefatae de Topuzka et aliarum ad eas pertinentium, harum série firmiter committimus et mandamus, qua tenus a modo inposterum praefatum Joannem a Monozlo pro vestro vero, legitimo et indubitato episcopo et praelato dioecesano, nec non abbate habere, tenere et recognoscere, eique in omnibus juxta sacras canonum sanctiones debitam reverentiam, honorem et obedientiam, sicuti bonos ecclesiae ministres decet, praestare et exhibere, ac in omnibus licitis et consvetis jurisdictioni ipsius parère et obtemperare modis omnibus de-
