VJESNIK 10. (ZAGREB, 1908.)

Strana - 88

Svaštice. Izprava od 10. junija god. 1370., u kojoj se spominje sloboda dvanaest plemena hrvatskih. Nos Ladislaus dei et apostolice sedis gratia episcopus Nitrensis et magister Sarachenus inter cetera comes camere Quinqueeclesiensis et castellanus de Tymus, visitatores regnorum Dalmatie et Croatie, per serenissimum principem dominum Lodo(vicum) dei gratia regem Ungarie dominum nostrum deputati, significamus tenore presentium quibus expedit vniversis, quod cum in congregatione nostra generali, int(er) cet(er)os universitati nobilium comitatus de Luka in villa Podgradya, in p(resenti)a eiusdem domini nostri regis, cuius auctoritate fungimur, celebrata, inter alia iura regalia ab universis detentoribus prosecuti fuissemus. Quia nobilis vir dominus Philippus Francisci de Jadra, in sua et suorum nepotum, filiorum scilicet condam domini Stephani fratris sui, personis exhibuit nobis quoddam Privilegium dicti domini nostri regis, in quo continebatur clare, quod idem dominus rex ipsis domino Stephano et Philippo et eorum heredibus quandam possessionem Bychkouci (Mychkouci) vocatam in dicto comitatu de Luka existentem, contulisset. Item exhibuit quoddam aliud Privilegium eiusdem domini regis, in quo continebatur, ut dictus dominus rex prefatis dominis Stephano et Philippo graciose annuisset, ut ipsi in omnibus possessionibus ipsorum extra districtum Jadre existentibus in e i sdem libertatibus fruerentur, quibus etiam nobiles regni Croatie duodecim generationum pössessiones ipsorum tenent et conservant, mandando banis constitutis et constituendis, ut ipsos in premissis libertatibus debeant conservare. Item exhibuit quasdam litteras patentes dicti domini nostri regis sub anulari sigillo suo consignatas, in quibus continebatur, quod ipse dominus rex, prefato domino Francisco et suis heredibus omnes et singulas hereditates quorumlibet nobilium de Dragynigy, propinquorum suorum, quoque tempore absque heredibus legitimis defunctorum, terras videlicet et vineas, in Luka inter villas Grabrouichane et Prasquigi vocatarum existentes, contulisset. Item exhibuit quasdam litteras privilegiales domini Johannis Chus condam vicebani Dalmatie et Croatie, in quibus continebatur, quatenus idem Johannes vicebanus auctoritate regia, prout in suis litteris continetur, predicto domino Philippo in Malinauas in colmitatu de Luka sortes Septem cum medietate terre Mladini bani ac comitum Gregorii et Pauli fratrum eiusdem, pro magnis suis seruiciis dicto domino nostro regi inpensis perpetuo in filios filiorum suorum contulisset, prout in predictis litteris clarius continetur. Ideo nos visis omnibus premissis litteralibus instrumentis predictos dominum Philippum et suos nepotes, et in predictis possessionibus, in quarum dominio idem dominus Philippus se et eosdem suos nepotes esse asserebat, dimisimus in eodem