VJESNIK 10. (ZAGREB, 1908.)
Strana - 79
79 V. Admodum reverende in Christo pater provincialis observandissime ! Conplacuit suae Maiestati Sacratissimae, mediantibus iteratis benignis sub 22-a et 26-a retroacti mensis Septembris Viennae Austriae nobis sonantibus, et directis mandatis, circa mobilia et immobilia domini colonelli baronis a Trenk bona, eas clementer facere dispositiones, ut universa istiusmodi bona, pecuniae item fructusque hactenus percepti, camerae aulicae consiliario Ignatio a Kempff medio cameralis in Regno Sclavoniae denominandi officialis administranda resignent. Cujusmodi administrationis provincia, medio inclytae regiae hungaricae camerae, spectabili domino Paulo de Passardi cameralium in regno antelato substituto supremo administratori delata exstitit. Et siquidem altefatae maiestati suae innotuisset, quod in diversis partium istarum conventibus et claustris nonnulla adhuc memorati tribuni baronis a Trenk mobilia, pecuniae videlicet aliaeque res praetiosae in deposito existunt, quemadmodum summe titulata maiestas sua excellentissimo quinqueecclesiensi et illustrissimo syrmiensi dominis episcopis, in quorum videlicet dioecesibus üdem conventus, et claustra sita sunt, clementer comisit, quatenus praenotatos conventus et claustra serio et sub comminatione indignationis caesareo regiae admoneant, quo üdem istiusmodi pecuniarum, aliarumque rerum praerepetiti domini colonelli mobilium et praeciosarum deposita invelate révèlent, et denuntient, ita comitatui huic benigne demandare dignata est, ut sua etiam ex parte, curam vigilem, et omnimodam attentionem habeat, quo tam eujusmodi deposita per praenotatos conventus et claustra praevio modo revelanda, quam et reliqua immobilia et mobilia bona scripturae item aliaeque res, crebro fatum dominum baronem Trenk quoquomodo concernentes, memorato domino camerae aulicae consiliario, medio antelati domini Pauli de Passardi praemissum et effectum constituti officialis cameralis, effective tradantur et resignentur. Hinc admodum reverendam paternitatem vestram conformitate praerecensitarum benignarum caesareo-regiarum dispositionum honorifice requirendam esse duximus, quatenus pro suo, in promotionem altissimi caesareo-regii servitii propendente zelo, et obsequii studio, eas in conventibus et residentiis, parochiis item jurisdictioni suae subordinatis, facere velit dispositiones, quatenus istiusmodi bona mobilia, aliaeque res mobiles, praeciosiora item et scripturae saepe dictum dominum colonellum baronem a Trenk respicientes magistratui comitatus istius, et praelibato domino de Passardi sine ulteriori mora revelentur, et ad dispositionem jam dicti domini consiliarii a Kempff consignentur. Quibus altissimo suae maeistatis sacratissimae jussu admodum reverendae paternitatis vestrae intimatis, et commendatis, permanemus admodum reverendae paternitatis vestrae ad serviendum paratissimi universitas praelatorum, baronum, magnatum et nobilium comitatus de Posegae 15-a octobris 1746. Jul. Kempf.
