VJESNIK 10. (ZAGREB, 1908.)
Strana - 33
33 285 Dametas pecudes, sua linquit aratra colonus, Diversi diversa. Patres cum conjuge prolem Jucundi linquunt, et martia signa sequuntur ; Pro sudibus jaculum, clypeum pro vomere sumit Rusticus, et fidum lateri superinduit ensem. 290 Desunt arma viris, plenos rubiginis enses Pars acuit, pars artifices sudare Cyclopas In nova tela jubet, dirasque addi ensibus iras ; Pars sublimis equos scandit, pars ire pedester Ardet, et invisum citius prosterne<re> Brussum. 295 Non aetas quemquam, vacui nec viribus artus Impediunt, retinentve focis. Quas sensus ad arma Mollior haud fecit, sortem doluêre novercam, Et piguit non esse viros, fortesque maritos; Spartanas certe vellent superare parentes ; 300 Quod cum fata negent, acres in bella maritos Acribus exstimulant dictis, et tela ministrant; Nec jam dira famés, nec aperto carcere venti Aeolus, aut Boreas, Eurusque, Nothusque furentes Illyricos poterunt adversis sistere cursus 305 Objicibus; non praerupti, nivibusque gementes Oppositi Styriae montes, licet obstet Avernus, Et rabidis stimulet furias in praelia venis. Sentiet impensas spargi sine viribus iras. Festinant adeo patrijs succurrere tectis; 310 Deque Borussiacis condignas sumere poenas; Jamque volant, velut ad mensas, epulasque volarent; Nec mora, quas summis votis, studijsque petebant, Austriacas tetigêre plagas, excelsa Viennae • Moenia; dum lectas acies, vel vomere Cadmi 315 Prognatas potius subito hic Dux explicat, omnis Funditur urbe domus, pueri juvenesque, senesque, Visendi studio properant super ardua tecta, Jucundus fuerat metus, atque timenda voluptas, Cernere magnanimos pugiles, queis fronte sedebat 320 Irarum nubes, toto spirabat in ore Marspiter, ardebant- oculi, pendebat amictus Horridus, è scopulis, hirsuta è pectore pellis; Digna viris faciès tractantibus arma, putares Te totidem horribiles coram spectare leones. 325 Ut patrio de more gérant, validisque lacertis Impendant solidas dura in certamina vires, Muneribus cumulât, stimulosque THERESIA fortes Sufficit ; ejectoque iterum quod si hoste revisant 290. Dessunt. — 291. par. — 294. prosterne. — 296. senus. — 302. ventis. 312. studiisque.
