VJESNIK 10. (ZAGREB, 1908.)

Strana - 31

Immensusque labor, felicior illa perustae Pars Libyae, deflagranti quae subjacet axi ; Illius haud ita desertis ebullit arena Perniciosa locis, tantum nec in astra résultat. Non sic Arcadiae montes Tegaeus ad altos Missus aper vastabat agros, non bellua Lernae, Horrendumque furens, Orcoque excita Chimaera Invehere innocuis poterat tam dira Croatis; Mitior illa fuit, seu quae jejunia campos Intulit in Scyticos, seu quae circumdedit ulnis, Invasit thalamoque famés Erisichtona fessum. Dravus ut aethereos medijs in fluctibus ignés Senserat, humenti tollit sua membra cubili, Vix pede constiterat, médius supereminet undas, Miratur, tacitusque stupet, quae causa furoris Inquirit secum, subit ira, dolorque, pudorque, Vix aliquot sibi limosas restare Charybdas Cernit, ubi sedes ponat, tutusque moretur; Turbidus exclamât: „Pelagi Neptune furentis „Arbiter! usque mihi saevis illudere coeptis „Saeva Ceres perget? pontum pater aime profundum „Huc, hue verte precor, prisci tibi si qua voluntas „Patris inest; tantas quo crimine movimus iras? „Non ego signa Dijs unquam contraria movi, „Non Cererem, quamuis feriat, laesisse recordor". Nec minus interea pueri, Matresque, Patresque, Cum famulis Domini, cum turbis Mysta profanis Numina sollicitant, rénovât sua vota virago, Templa calent precibus, résonant planctibus aedes, Auditur gemitus, lachrymae, crudelis ubique Luctus, ubique pavor, morti similisque tumultus. Turba ruit stimulante fame, per prata, per urbes, Quo fugiat, nescit, redit, atque in limine portae Subsistit clamans: „0 patria! Dîque Pénates! „Quos patimur casus, quando, aut quis sortis iniquae „Finis erit? quae nos crudelîa fata manebunt? „Exorate Deûm veniam, succurrite tandem. „Cuncta fame leviora mihi; ni Numina praestent „Ocyus auxilium, tumulo condemur in uno „Bruta, hominesque simul, morti" succumbere certum „Omnibus, aut patrijs longe secedere tectis". Quid faciant; serventne Lares, et patria tecta, An longas répétant terras, sedesque remotas? Heu quid agant ! dubiam versât sententia mentem, Urget dira famés, patriae retinancula charae Lybiae. — 202. orcoque. — 206. Erichtona. — 212. carybdas.