VJESNIK 10. (ZAGREB, 1908.)

Strana - 27

Hactenus ingentes Stygij Dominator Averni, Divaque volvebat Proserpina pectore curas, Qui valeant animos Brussis, viresque secundas 20 Sufficere, et coeptos bene continuare Iabores. Et retulêre suos Divûm certamina fructus Principio; nam saepe manu féliciter arma Strinxit, et Austriacas Brussus statione cohortes Disjecit, stravitque viros, et in aequore aperto 25 Impulsas victor ferro jugulante catervas Subruit, et totis dispersit funera campis. Ast, ut in ambiguo fortuna volubilis errat Semper, et ancipiti circum rotat omnia casu, Martia vix bello foecunda Croatia misit 30 Pectora, et lllyricas acies, expalluit hostis, Non oculos, non ille viros Mavorte creatos Pertulit; ut pede pes commissus, ut ensibus ensis, Fugit, et immensae retulit contagia cladis. Quotidie ingenti numero ad plutonia régna 35 . Devolvebantur mânes, umbraeque récentes; Et quamvis animae Stygio placuêre tyranno Brussiacae, tarnen ingenti quod corpora mole Consurgant, hac dote magis placuêre Croatae ; Hisce videlicet excubijs sua limina cingi, 40 Optabant his atrum vestibulumque tueri. Quin si tartareis exercita corpora poenis Noxarum ob numerum, vitae culpasque prions Bella movere volent Superis, imitata Gigantes Phlegraeos, facile his contundere posse putabant. 45 Ergo, ut constaret Plutoni certius, unde Tot modo Brussi jugulentur cladibus, una Mittitur è Furijs rerum cognoscere causas. Illa volans ventis, et fulminis ocyor alis, Moravicos tenuit campos, propiora superbae 50 Urbi Olomucij loca ; vix circumspicit, arvis Undique prospectât clypeatas surgere moles. Austriaca hine jurata sago seges horrida stabat, Innumeras sparsura neces, inde agmina Brussi Martia, magnanimasque oculis spirantia flammas. 55 Allecto commixta viris diffusa capillos Sedula vestigat, versis qui fortior instet Hostibus, et rabido funus serat undique ferro. Viderat armatum dira feritate Croatam In médias penetrantem acies, validasque cohortes 60 Rumpentem, haud aliter, quam cum spoliata catellis Infremit, et late syivas Erymantidos ursa 28. et in ancipiti. — 47. furijs. — 55. Aleçto,