VJESNIK 8. (ZAGREB, 1899)

Strana - 27

27 sessiones iobbagionales populosae et desertae, in quarum una Demetrius Merzlathych, in secunda Ambrosius Zewer, in tertia Demetrius Cerny, in quarta Simon Kowach, in quinta Thomas Kozlych, in sexta Gallus Paris, in septima Petrus filius Lonchar, nec non sessione Mathychewzko, in nona Gallus Kral, nec non Czyporieczkozelo vocatas, item unius sessionis quartam partem, in qua scilicet Benedictus Zmerdesych et Doychych, nec non media pars unius sessionis desertae. Item eisdem dominae et Antonio una vinea Kochnyak vocata in promonthorio Cresno cessit. In cuius rei memoriam firmitatemque perpetuam praesentes literas nostras sigillis nostris usualibus consignatas eisdem duximus concedendas. Datum in oppido Thoplyka in festo apparitionis beati Michaelis archangeli*) anno domini millesimo quadringentesimo nonagesimo tertio. Literarum vero Joannis Corvini tenor sequitur hoc modo : Nos Joannes Corvinus Oppauiae Lyptoviaeque dux nec non regnorum Dalmatiae, Croatiae et Sclavoniae banus memoriae commendamus: quod egregius Petrus Bochkay de Razyna, Georgius Golech et Ambrosius Basa vicecomites, Georgius literatus notarius comitatus Varasdiensis et Nicolaus Kyrin iudex civitatis Varasdiensis nostram venientes in praesentiam sponte sunt confessi in hunc modum. Quod cum ipsi pridem puta in festo apparitionis beati Michaelis archangeli in anno cuius iam secunda praeteriisset revolutio praeterito in oppido Thoplycza ad sopiendam et sedandam certam litis materiam inter egregium Georgium Herkffy de Zajezda ab una, ac Antonium Zekel et dominam Catharinam consortem eiusdem, sororem utputa carnalem ipsius Georgii Herkffy, ratione -et praetextu iurium possessionariorum quondam Gasparis Herkffy de dicta Zajezda patris ipsorum Georgii et dominae Catherinae consortis annotati Antonii Zekel motam et habitam, arbitrorum et dispositorum de utriumque partium beneplacita voluntate electi fuissent, talem inter ipsos Georgium Herkffy ac Antonium Zekel et dominam Catharinam consortem eiusdem in dicto oppido Thoplycza, ubi partes praedictae huiusmodi arbitrativam dispositionem fieri voluerunt, fecissent et ordinassent dispositionem. Quod praefatus Georgius Herkffy exhibuisset coram ipsis et praesentasset quasdam literas donationales condam Serenissimi principis domini Ludovici regis Hungariae laudandae memoriae, quibus mediantibus idem dominus rex progenitoribus eiusdem Georgii pro eorum fidelibus servitiis donavit et contulit duas villas Zamlachezenthvyd et Velkoncz vocatas in comitatu Varasdiensi existentes, ideo in eisdem duabus villis quartam puellarem excindere et sequestrari facere disposassent, de aliis autem omnibus portionibus possessionariis eiusdem Georgii Herkffy ubilibet in eodem comitatu existentibus directam et aequalem medietatem dare et sequestrare decrevissent, tamdiu tenendam, possidendam, donec et quousque idem Georgius Herkffy iuxta huius regni consvetudinem iuridice, mediantibus literis et literalibus suis instruments, prout idem Georgius Herkffy coram ipsis asseruisset, comprobare poterit dicta iura possessionaria minime iuri foemineo, sed dumtaxat masculino attinere, et ut praefatus Georgius Herkffy memorato Antonio Zekel et dominae Catherinae consorti eiusdem certam superinde coram capitulo, vel in alio loco credibili facere deberet fassionem, quodque villas seu portiones impignoratitias aut Nicolaus, vel Stephanus, seu Georgius, neve domina Catherina cum dicto Antonio Zekel invicem - *) 8. svibnja.