VJESNIK 8. (ZAGREB, 1899)
Strana - 8
8 missis quinque annorum spatiis a dictis haeredibus ipsius Lucae Zekel praedictum Castrum et castellum nostra nos, vel filii haeredesque et successores nostri reges Hungariae ad se redimere voluerimus vel voluerint, ex tune eosdem haeredes praelibati Lucae Zekel uno integro anno ante ipsam redemptionem de huiusmodi voluntate nostra et termino redemptionis certiorem reddere teneamur, simusque adstricti, dictique filii ac haeredes et successores nostri reges Hungariae teneantur et sint adstricti dolo et fraude omni procul remotis et abjectis; assumentes nihilominus eundem Lucam Zekel vita ut dictum est sua durante ac haeredes et posteros eiusdem infra tempus redemptionis annotati castri et castelli nostrorum in pacifico et quieto dominio eorundem, contra quoslibet legitimos impetitores, causidicos et actores tuen', protegere et conservare, ac in omnem eventum indemniter manutenere nostris propriis laboribus et expensis, promittentes eidem Lucae Zekel et dictis suis haeredibus in verbo nostro regio, quod si casu quoeunque ipsum Lucam Zekel dum supervixerit et dictos quoque haeredes suos infra redemptionem dicti castri et castelli nostrorum in pacifico dominio eorundem tueri et conservare non valeremus, aut filii et haeredes nostri non valerent, sed Castrum et castellum ipsum idem Lucas Zekel aut sui haeredes iure aut alio quoeunque modo amittere cogerentur, vel Castrum et castellum ipsum in suis pertinentiis et proventibus per Turcarum aut aliorum quorumeunque hostium vim arescere, vel sine sua negligentia e manibus suis vel suorum adimi, sive bona, colonos et subditos eiusdem castri et castelli devastari et deteriorari contingeret, ut idem Castrum et castellum ex suis proventibus commode interteneri non posset, ex tune nos, filiique et haeredes nostri praescriptam summam viginti quatuor millium florenorum Rhenensium ex aliis proventibus nostris in dicto regno nostro Hungariae vel Sclauoniac, aut provinciis nostris haereditariis infra spacium unius anni a termino requisitionis per praenotatum Lucam Zekel aut haeredes suos superinde fiendae computandam eidem Lucae Zekel aut dictis suis haeredibus resarcire et refundere ac ad plenum persolvere, vel alia aequivalentia bona sive in Hungaria, sive in dictis provinciis nostris haereditariis eodem pignoris titulo tenenda et possidenda ad manus dare volumus, erimusque ac dicti quoque filii et haeredes nostri erunt obligati, et quod ad nullius instantiam, nulloque iure cogente dictum Castrum et castella nostra ab ipso Luca Zekel vivente et post mortem suam a suis haeredibus infra spatium dictorum quinque annorum non auferemus, neque auferi et adimi läciemus, donec de praescripta summa 24 florenorum dictis haeredibus suis satisfactum fuerit quoad plenum, vel alia aequivalentia bona restituentur. Ad quae praemissa et quaevis praemissorum singula firmiter et inviolabiliter observanda nos et filios, haeredesque nostros obligamus et obligatos esse volumus, harum nostrarum, quibus secretum sigillum nostrum, quo ut rex Hungariae utimur, est appensum, vigore et testimonio literarum. Datum Posonii octava mensis Decembris anno domini millesimo quingentesimo quadragesimo octavo, regnorum nostrorum Romani deeimo octavo, aliorum vero vigesimo secundo. T. d. r. s. ioni. I. pag. 74. — Lib. reg. iom. IL p. 295.
