VJESTNIK 6. (ZAGREB, 1904)
Strana - 96
96 Piszka, zbog nekoje coprije, da je rečenu Piszkoviczu vidila pri kervavom mostu pervi dan majuša meseca s vnožinum copernicami vu večer kasno po zdrave Marije Kata, hižna tovarušica Bolteka Jellachicha, da bi ju bili med se zvali Bara Piszkovicza i nekoja Marica Karlovchicza. Suproti kojem tak Bari Piszkovici kak Mari Karlovchiczi izmed purgarov kaptolomskih niti na susedstvu od nikud nigdor na svedočanstvo ni došel, niti suproti koteroj kaj posvedočil, zvan same gore imenuvane Kate Jellachich, da bi znal kaj suproti nji poštenju i imenu, ali nji vidil, ali od koga čul drugoga, da je ona kakova copernica ali vu čem drugom malo vrednoga življenja, kak tulikajŠe svedoči inquisitia den denešnji po meni pobrana pred sudcem kaptolomskem i zgora* spomenutemi purgarmi i gosponom kaptolomskim španom. Z verhu česa dah ja ov moj testimonialis rukum mojum podpisan i navadnum pečatjum podpečačen. Dano vu Zagrebu dan, leto i mesec gori postavljeno. Petrus Krajachich Comitatus Zagrabiensis Judex Nobilium m. p. <L. S.) * X 1742. die 14. mensis Aprilis, Zagrabiae. Pred menum dole podpisanim Vicecomešom gore postavljena gospa Catherina gospona Jellac ( hich Boltisara hižna tovarušica pod prisegom valuvala, da ne more na dušu svoju to povidati, da bi vu vremenu gore postavlenom terdno Baru Piszkovicu i Karlovchicu pri kervavom mostu s copernicami bila videla skakati i da bi nju bile med se nazvavale, ar da zvan nekoje halabuke nikaj nije čula nit koga poznala, nego da se njoj videlo, da su nekakve žene pred nju izašle, a toga nezna, jeli kaj takvoga vu istine bilo, ar povida da jedno malo pri gospodinu kantoru Reesu bila se prenapila. Datum die, mense anno quibus supra. Stephanus Gudrich Cottus Zagrabiensis V. Comes m. p. (L. S.) (Izvornik u arkivu županije zagrebačke). Dr. Ivan pl. Bojničić.
