VJESTNIK 6. (ZAGREB, 1904)
Strana - 50
50 varentur, impedirentur nec pertubarentur modo aliquali, mandamusque ipsis Pagensibus, ut iam dictis Iadrensibus in omnibus aliis consuetis obedire deberent et obtemperare ; et nihilominus ultimo quoddam statutum dictae civitatis Iadrae, per dictum dominum Ludovicum regem ipsis confirmatum, continens inter alias et exprimens, quod si aliquis vel aliquae personae Pagensium committeret vel committercnt aliquod enorme, quod comes et iudices Iadrae possint punire pro eo vel eis, et facere de eo vel eis, secundum ipsius domini comitis et iudicum Iadrae voluntatem, coram nobis hactenus duxerunt producendum, supplicantes praedicti syndici et procuratores praedictorum Iadrensium, iuxta continentiam litterarum domini Ludovici regis, nos restitutionem proprietatis et dominii praedictae insulae Pagensis pro antedictis Iadrensibus impartiri, Et quoniam in praefatis tribus litteris Ludovici regis haec iniunctae sunt clausulae. in prima namque littera eiusdem, quod praedicta insula Pagensis eo iure, secundum quod ipsorum Iadrensium predecessores antiqui, et non aliter, soliti fuere regere, gubernare et iudicare, ad ea iura et non alia per dictum dominum Ludovicum regem Iadrensibus existât restituta ; — in secunda autem littera ipsius domini Ludovici regis, hic primitus est articulus, quod dicti Iadrenses praelibatos Pagenses pro eo, quod iidem rebellantes excesserunt, in eorum antiquis libertatibus nec verbo nec facto audeant impedire, seu quoquo modo aggravare praesumant, cum ipsi nécessitâtes suas nemini alteri post Deum nisi Maiestati suae referre haberent, quos omnino in ipsorum libertatibus vellet conservari ; in tertia autem littera quondam domini Ludovici regis modo simili conditio proposita fuisset, quod annotati Iadrenses antedictos Pagenses pro eo, quia iisdem Pagenses ab ipsis modo praeallegato rebellarunt, in ipsorum libertatibus et consuetudinibus antiquis non deberent aggravare et perturbare, manifeste dinoscebantur contineri ; ex hisque et praesertim cum in dictis litteris praefati quondam domini Ludovici regis expresse contineatur, quod ipsi Pagenses nemini alteri post Deum nisi Maiestati Regiae habeant querulari, clarissime et luculenter inferri et extrahi possit, quod principale dominium, Judicium seu proprietas corporalis iam dictae insulae Pagensis, per dictum dominum Ludovicum regem, Semper Maiestati regiae forent retenta et reservata. — Et quamquam etiam praedictum statutum annotatorum Iadrensium, per ipsum dominum nostrum regem Ludovicum confirmatum, et coram nobis productum extiterit, attamen quia ipsa confirmatio ad huiusmodi malum finem, ac pro eo ut annotati Iadrenses vigore praenarratae confirmationis suae, dictis Pagensibus, et in ipsa insula Pagi, praemissas afflictiones, videlicet hominum interremptiones, suspensiones, decapitationes, vulnerationes, manum et pedum truncationes seu mutilationes, oculorum eructiones ex exceptiones grandissimas, horrenda ignis incendia, combustiones, virginum deflorationes, sanctimonialium et aliarum quamplurimarum dominarum probanim turpissimas dehonestationes, presbyterorum ac sacerdotum interreptiones et captivationes, ac ipsis in dedecus sanctae matris ecclesiae ac totius sacerdotalis ordinis verecundiam praefatarum illationes, nec non omnium rerum et bonorum mobilium et immobilium, nec non ecclesiarum tarn earundem, quam etiam monasteriorum et claustrorum in ipsa insula Pagensi habitantium et existentium, spoliationes, privationes, ablationes, contra quos, dictis Iadrensibus, velut in praefatis tribus litteris annotatis quondam domini Ludovici, restitutionalibus, ut praescriptum, plenissime agnovimus et reperimus, procedere non fuisset, et attenta processus signatione, contra dictae Maiestatis regiae speciale edictum et mandatum inferre et irrogare valerent atque possent, minime facta fuisse dinoscatur, sed si quid actionis aut quaestionis ahquo tempore Iadrenses contra memoratos Pagenses habuissent, aut se ipsos habere sperassent, id non praefatis navibus armatis et potentiarum et specialiter infidelium et emulorum notorum Maiestatis regiae adductionibus, nec non dictarum grandissimarum afflictionum illationibus et irrogationibus, quibus omnibus et singulis ne dum nobilium et prudentum virorum magistrorum Iohannis Saraceni comitis insulae Auxeri et Chersi et Iohannis Chupor de Monozlo, Stephani filii Pauli de . . . Zanslava (?) et magistri Azonis de Padua, hominum
