VJESTNIK 6. (ZAGREB, 1904)

Strana - 230

230 je. Najti je svedok ženu svoju nagovarjal, da bi bila z njum kruh zamenila, kojega ne hotejuć posluhnuti, zrok mu davši, da se boji pri tom kakve šatrije, buduč da ona (kak je i svedok čul) nerada svoje peke kruh jede, ali da nekaj vu njega meče, da ga teže prodaje. Secunda in ordine testis Catharina Mlinarich nata. praefati Sulich consors, annorum circiter 40, adjurata etc. scitu ad I-mi §-um ultimum, da pokojni Benšek svoje dete jedno tri puta po svedoka pošilal, i dva puta da ni dala poiti detetu Czindekovica, drugač hižna onda tovarušica predimenovanoga Benšeka, nego tretič da je dete vendar po nju došlo, kamo svedok zašla, da se je on na postelji simo tamo dotlam ogledal, doklam je predimenovana žena njegova van iz hiže zišla, i onda Benšek pokojni rekel je k svedoku, da mu je njegova žena zrok da mora vumreti, pokazavši se, kak je vu životu i vu terbuhu otekel. Ad secundum: da spačenje teržtva čuti, ar Czindekovica vsakojačko i zločesto vino na friškom more dražu cenu prodavati, svedok pako i vnogo bolše lešum cenum ne more prodati, kak to več puti observerala i vu pamet vuzela; i k tomu jednoć kruha peč više tri tjedna prodavala je. I kada bi se bila jednoć Czindekovici za takovo spačenje teržtva tužila, da je Czindekovica rekla : „Imate vi negdi nekoga takvoga, ki vam vašu sreču jemle i trudite se vse za nikaj". Ad tertium, da se je bila svedok z Czindekovicum za svoju opravu jednoć porekla i to lani okolu trojak; da je po noći Czindekovica, kak ju je svedok poznala, nad nju došla i da ju je vsu bila zmlatila, kak vu jutro na noge svoje od toga stati se ni mogla, nego se je morala dati mazati. Za tem potlam je bila z vuze zišla, da je več puti prešesnu korizmu nad njum dohajala ista Czindekovica i nju nočnem dugovanjem trapila i terla, od česa je čcrnjavke imala, i za to isto Pugyakovici gumbarici tužila se je svedok, i svoga gospodara starici majki ravno za takvo nočno trapljenje; dapače sada z novič po noći da je nad njum bila rečena Czindekovica vu snu samotretja, zmed kojeh jedne ni poznala, druga pako videla se je, da sunec nosa kakti odrezan ima, i da je Czindekovica govorila, da se naj ne serdi na nju. To pak očivesto čula je svoga gospodara mater, da je s velikim glasom istu Czindekovicu nad sobum buduču vugerski preklinjala i kričala k svedoku „Katica evo je, deržim ju za ruku pak mi se smeje". Svedok se pak ni ufala iz svoje postele k nje pojti, nego je rekla „Mlatite ju majka z drugum rukum". Koja Czindekovica zgrabila nje ruku i da se ni mogla starica braniti, nego kada bi bila svete reci poklam zazavati začela, da se Czindekovica van čez rešetku prevlekla. Svedoka taki onda, kak se je van prevlekla, stara je povedala. Tomu pridaje, da se je postavlena Czindekovica pri stolu svedoka buduća nagražala se, da ako^ ona zgori, hoče na svedoka povedati. Item svedoči, da bi bil jedno vreme ovu prešesnu korizmu velik viher po noći, i kada bi se bila drugi taki dan svedok s Jankecom barberom zestala, počela se jej z nim spominjati, da tulik viher bil je, morebit su se babam kaj na večnici | zamerili, i da proklet budi, koj jednoć vu vuzu ju dene ter ju van pušča, ar *' bole bi bilo, da bi se zežgala, buduč poklam gorje delaju. Czindekovica ništar manje bila se je pri vrateh svojeh vu kutić stisnula, koteru svedok pervo neg je svoj spomenek dokončala ni bila vu pamet vuzela. Za tem nekak po poldan zašla bila Czindekovica k hiže svedoka i vu hiže na klup sela je, kade s merskemi i odurnemi rečmi začela je svedoka špotati i kleti, za kaj naimre ona