VJESTNIK 6. (ZAGREB, 1904)

Strana - 227

221 še je, na kojem telu Jančica videla je nekoju zlamenku po dimju blizu srama, kaj vidivši Ančica reče: „ja toti nikaj nepoznam, da bi taki pečat totu bila, ja ju nebi poznala". Quo intellecto exponens adiit quendam patrem capucinum concionatorem, quid facto sibi opus consultura, eundem nimirum notarium absolute velle 50 reliquos florenos seque visitare velle. Ad quod consultus pater reposuit, siquidem velit habere hanc peccuniam, in dei benedictione det ipsi faciatque intentionem ac si inter pauperes hanc peccuniam divideret, caeterum quod attinet pervestigationem visitationemque corporis ipsius, ut hanc etiam fine sui penitus a suspicione in futurum liberandae admittat, ad quod reposuit, se erubescere facturam tarnen. Zatem vu večer on došla je gospa notariušica, poručivši vendar pervlje, da ali ona naj k noj s penezičkum dojde, ali da ona k Barici dojti hoće. Na koje poručanje hotela i je exponens k notariušici iti, kada iz svoje hiže idući exponens vidi, da gospa notariušica s cimermajstricum ide k noj, i ovak vernule se jesu ona i penezička. Potlan toga rečena gospa doidoh vu hižu i taki poslala je po zidaricu. Došla je zidarica, koteru je po svoga gospona poslala, i on došel je sam prez svoga djaka. Koteri pervlje nego li je došel, obloki zaperti i vsi iz družine van stirani polak zapovedi gospe notariušice jesu, i kada je došel, vrata zaklenjena. Zatem rekli su, da se exponens naj sleče, i ovak slekla se je do gologa, i klarus iz nje i škapulire zvlekli jesu. Onda je notariuš rekel: „ima li vas kotera iglu?" Na kaj Lovrenčička zvadila je iz pantlika svojega iglu i dala ju je vu ruke notariušu, koteru iglu primivši on, začel ju je po vsem golom telu visituvati, vu vustah, na herbtu, pod rukami, pod bedrah, i iglu vu naidene zlamenke vbadati, tija do srama ženskoga kosmatoga, kade exponens tri zlamenke imala je. Zatem rekel je po nemŠki cimermajstrici, da nutri po sramu ona visituje, kadi ona je s persti razkapajuć pečati iskala. Kotera kada bi bila henjala visituvati, rekel je notariuš, da naj se exponens obleče, da nikaj ni, i onak oblekla se je. Za tem rekla je penezička: „Kajgoda već je potrebno, vse sem sveršila, visituvana je, kak ste hoteli". Na kaj odgovoru je notariuš, da jošče jedna proba je, na koju se takve žene postavljaju, to jeste vaga, ar da copernice nimaju više osem ali devet funtov, a pravične da naturalsku pežu imaju. Na to je rekla penezička, da bi kade takva vaga bila, da bi ju včinila i vagnuti, na kaj odgovoru je Szale Lacko, da ni potrebno. Potem toga rekla je penezička : „Sada moje žene ne treba s tem glasati, da bi bila ogledana Barica"; na kaj notariuš odgovoru je: „Za kaj to govorite? Dapače gde bi potrebno bilo, slobodno je povedati". I zadnič penezička dala je ostaleh 50 rajnčki gospi vu ruke, kotere ona priemši spravila je. Ista Lovrencsicska zatem govorila je: „Ja kak sem obećala, vsa vučinila jesem, zato vufam se, da i gospon notariuš polag svojega obećanja vučine njoj sada vse, to jest da ju budu branili i, ako bi gdo kaj za to govoril njoj, nju zagovarjali, i da ju k pervomu poštenju spravili i dobri glas povernuli budu". Na kaj on rekel je: „To ne more taki biti, to vre bude vse s prilikum". I ovak razišli su se bili.