VJESTNIK 5. (ZAGREB, 1903)
Strana - 112
112 ne dala; nego je kokoši zaprosil, kokoš mu je dala. Item o Kraljevu dala mu je jednoga kokota, item da je o .prešestnom Božiću dala vragu jedno prasce. * Item valuje, da kada je jednuč na maroffu gosp. biskupa bila, pila i jela, videla je onde Balašinku, Fratricu, Doroteju Mlinarich. Jalžunka da im je jesti kuhala. Govori pak, da Jelica šoštarica ne onde bila, nego da je vu snju nad nju hodila. To takaj govori, da je Balasinka vre vu temnice ne mira dala i trućala ju. I to poveda, da je rečena Balasinka hodila vu gosp. biskupa pevnicu s nju čerkum i s Martinom po vino, i dobroga su donesli, i da se je samo jenkrat napila, i da je dobro bilo, i pile su vsu noć. Potverdjava, da je Hocheuarecz i ženum copernik, govori takai, da Remenarice ne nigdar videla vu takovom tovaruštvu, niti Jancheczeve žene. Item poveda, da je Balasinka donesla vojska, žita, hajde, jednu jagodu grozda, i da je ona pomagala napravljati z onoga kolobarića, i da je do pšenice, žita i herži nesla svoje kčere lasi, i da su s onem žitek jemale, skupa hodile i da su trojačku rosu pobirale skupa, i s onum rosum jesu lučku marhu napajale i onak morala je poginuti, i vsegdar je vrag š nimi bil. I to poveda, da prešeste trojake jesu vse jaklo iz žitka na maroffu uzele i na vražem melinu mlele, sam šušek jesu ostavile. Poveda da treh kraljev voda more obćuvati stem. I žitek na veliki petek do sunčanoga izhoda da vu zemlju postavi, onak ne more naškoditi; da kada se drenek sveti i doklam se sveti, križić napraviti iz onoga, kak sam zraste i pri sebe nositi i pri stainju čuvati, nemogu nigdar copernice naškoditi. Kada koga vuzmu copernice, zvračiti se more : poiskati kade je na životu kervavo, ono opravši, dati mu izpiti, hoče se nazad povernuti, i na berzom; i ako bude pol serca pečenoga, mora se povernuti, i na drugeh kotrigeh kada naškode, s češnjakom, lukom, treh kralev vodum, i trojega luka zresinjem, čerlenca, i kozjaka, opiha veleština, da nijeden ne bude para, devet falatov, s onem se naterti i moraju nazad povernuti ; ako i dobro žilu zemu, moraju mu povernuti, s češnjakom dračem bajmati je. Item poveda, da na decu najbolje šetuju i kuhaju i peku ; i ako mati se pašči, natere s onem kak je povedala, zvrači dete. Item poveda, da kada putnik ide i nameri se, kade copernice se goste, ter im stane vu zdelu, ako neima pri sebe brève i drugoga vračtva, taki ga pojedu ; ako li na kraj stane, more se zvračiti. Item poveda, da šmelcen vojsk i samonikni lan vu zobi, z onoga svecu napraviti, taki budu vse copernice pred onem bežale. Item kada se krave mleko vuzme, na mlade dneve o Jurjevu doleti pod lučku kravu i vuzme mleko vsega letta, pomoći se more s onem, kak i človeku, z lukom i ostalem dračem mazati vime, borcviteza dati jesti, takaj se mleko poverne. More se takaj s onem mleko občuvati s napojem, kaj se zdelc i lonci peru, s onem vime okružiti, vse letto ne more mleka vuzeti copernica. Item poveda, da borcvitez, galgan, delesin i odolen trava je dobro pri sebe nositi. Govori takai, da Sitomerke ne videla, niti Sabaike nigdar vu takovom tancu. (Bez podpisa). Na hrbitt : Inquisitio contra sagas in Vico Latin or um Fratricza et alias.
