VJESTNIK 4. (ZAGREB, 1902)
Strana - 63
63 Ibidemquc dum erant congregati Patroni et fundatores suprascripti, peractis praedictis, Mihael Prodauich, et Ostoya Sanchouich haec uerba uel his similia loqui coeperunt : Fratres carissimi animadvertite, quod tempus est labile, et praesertim, ne atiquem tarn nostrum praesentem Capellanum, quam futurum labes avaritiae coinquinet, seu a tramite rationis seducat, ut spretis nobis, et posteris nostris tanquam infrenatus incedat, ordinemus, quomodo nos sibi, et posteri nostri subditi erimus et omnibus Plebanis per nos acceptis; et haeredibus nostris, ac nobis ipse ita obligatus erit, ut in futurum agnoscatur, quod nos fundatores, et dotatorem ipsarum extitimus Ecclesiarum, ac pro Semper eligendi; qui omnes unanimiter dederunt plenam et omnimodam facultatem, et libertatem ipsis dvobus Michaeli et Ostoyae ad faciendos constitutiones, et ordinationes ; qui coacti, omnibus praesentibus infrascriptas ordinationes fecerunt. Imprimis quod sit Plebanus sufriciens, castus, sobrius, et pudicus, et quod sit de suo génère, et non alienus, dum de suo génère reperiatur; et qui iuuet has praesentes obseruare constitutiones et iurisdictiones nostras. Item quod Parochianus praesens, et pro futuro existentes teneantur nobis missas celebrare in nostris Ecclesiis Sti Michaelis et Sti Martini in anno numero triginta quatuor, prout nos dabimus eas sibi in scriptis, quibus diebus debeat celebrare. Et quod omnes de nostra plebania confiteri, Xri corpore debeat communicare in omnibus necessitatibus, et oportunitatibus totiens quotiens opus facti exigerit per se, uel suum commissum bonum : et casu quo Plebanus absens fuerit, uel ipsius copiam habere de facili non poterit, tune parochianus possit, sacerdotem ducerc, qui infirmo Sacramenta ministret sumptibus Plebani, dummodo maxima infirmitate sit grauatus, et imminet periculum in mora. Nec uitare debeat quemlibet de sua Parochia; sicuti tempore pestis, aut mortalitatis, uel aliae similis infirmitatis; sed Sacramenta ministrare tencatur infirmis omnibus de familia nostra existentibus. Et casu quo Plebanus fuisset grauatus senio, aut aliquo morbo uel infirmitate, uel epidemiam timuisset, aut contagionem, quod loco sui inueniat alium idoneum, et sufficientem, qui adimpleat vices suas suis sumptibus. Item quod Plebanus teneatur, et debeat ire pro nostris negotiis cum uno famulo, seu seruiente impensis nostris usque Buda m ad Regiam Maiestatem; et coram Comité Clissiensi pro causis nostris totiens, quotiens opus fuerit. Item quod Plebanus praesens emat, et emere debeat Calicem, et paramentum pro Ecclesiis supradictis, et post mortem eius quod remaneant Ecclesiis praefatis. Item quod Plebanus teneatur et debeat pauperem, et inopem fratrem nostrum, et de génère nostro, qui praescriptas Ecclesias fundati sumus, ac eas dotauimus, iuuare in indigentia sua, et necessitate, si ad talem deuenerit inopiam, iuxta possibilitatem Plebani. Et etiam sepelire pauperem de sua Parochia suis sumptibus, si non habuerit facultatem sepeliendi; ut ipse Plebanus hoc opus misericordiae adimpleat, dum eam nobis praedicauerit, ne ipsi nos eidem redargutionem reddere possimus; quia ita opera charitatis nos admonent opus misericordiae exercere. Item quod si Plebanus, seu pro tempore existens noluerit nobiscum in Villa commorari, quod debeat iuuenire Sacerdotem bonum, qui nobiscum moram ducat suis sumptibus, qui Sacerdos nobis placuerit; siue autem, quod nos inueniamus Sacerdotem ad nostri libitum, tarnen suis sumptibus. Item quod Plebanus noster cuiusuis conditionis pro tempore existens teneatur, et debeat dare cum affectu supradictis fundatoribus, et dotatoribus, ac eorum filiis, et posteris ipsorum in sempitema saecula in uigilia Natiuitatis Dni Nostri per singulas domos solidos tres paruorum monetae currentis, videlicet: solidum unum piperis; solidum unum candellarum; et unum gottum uitreum de soltdo uno; et inter omnes domos diuidere solidos quinque de incenso ; adeo quod omnibus notum sit quod sumus fundatores Ecclesiarum praenominatarum, ac eas de nostro dotauimus.
