VJESTNIK 4. (ZAGREB, 1902)

Strana - 263

263 Sigismundi regis itidem Hungariae praedecessoris nostri continentes et insertas literas de et super certis libertatibus dictorum ciuium, ciuitatis nostrae Crisiensis emanatas, benigne confirmasse dinoscebatur tenoris infrascripti Supplicatum itaque maiestati nostrae extitit humilime pro parte et in personis praenominatorum ciuium, iudicis et iuratorum caetcrorumque vniuersorum ciuium et inhabitatorum dictae ciuitatis nostrae Crisiensis, quatenus easdem literas, omniaque et singula in eisdem contenta, gratas ut accepta habentes, literisque nostris priuilegialibus inseri et inscribi facientes, approbare, roborare, ratificare ac pro praefatis vniuersis ciuibus ciuitatis nostrae Crisiensis innouando perpetuo valituras gratiose confirmare dignaremur. Quarum quidem literarum tenor talis est: (Sequitur tenor literarum privilegialium regis Maximiliani a. 1568. Vide documentum sub Nr. V.J. Nos itaque huiusmodi humilima supplicatione praenominatorum Lucae Laczkouith iudicis et Andreae Benkouith iurati, ciuium praedictae regiae ac liberae ciuitatis nostrae Crisiensis suis caeterorumque quorum supra nominibus et personis nostrae modo quo supra porrecta maiestati, regia benignitate exaudita clementer et admissa, praescriptas literas annotati quondam domini Maximiliani secundi Romanorum imperatoris regis Hungariae priuilegiales non abrasas, non canccllatas, neque in aliqua sui parte suspectas, sed omni prorsus vicio ac suspicione carentes praesentibusque literis nostris priuilegialibus de verbo ad verbum sine dominutione et augmento aliquali insertas et inscriptas quoad omnes earum continentias clausulus et articulos, eatenus, quatenus eaedem rite et legitime existunt emanatae, viribusque earundem veritas suffragatur ratas, gratas et accepta habentes, approbauimus, roborauimus et aeeeptauimus ac pro praefatis vniuersis ciuibus et incolis dictae ciuitatis nostrae Crisiensis, ipsorumque postelis et suecssoribus vniuersis innouando perpetuo valituras gratiose confirmamus^ imo aeeeptamus, approbamus, roboramus, ratificamusque et confirmamus, saluo iure alieno harum nostrarum secreto sigillo nostro, quo vt rex Hungariae vtimur impendenti communitarum vigore et testimonio literarum. Datum per manus fidelis nostri syncere nobis dilecti reuerendi Valentini Leepes episcopi Nitriensis, locique eiusdem comitis perpetui, consiliarii et aulae nostrae per Hungariam cancellarii ; in arce nostra regia Posoniensi tricesima die mensis Decembris, anno domini millesimo sexcentesimo nono, regnorum nostrorum Hungariae et reliquorum anno secundo. Reuerendissimis ac venerabilibus in Christo patribus dominis Francisco Forgach de Ghymes, sancte Romanae ecclesiae praesbitero cardinali, Strigoniensis, Demetrio Napragy Colocensis, et Bachiensis ecclesiarum canonice vnitarum electo archiepiscopis, fratre Simone Bratulith Zagrabiensis, Nicolao Micatio Varadiensis, eodem Demetrio Napragy administratore Jauriensis, Petro Domitrouith electo Quinqueeclesiensis, praefato Valentino Leepes Nitriensis, Paulo Almassy electo Vacziensis, Francisco Erghelio electo Vesprimiensis, Matthia Herouitio electo Chanadiensis, Georgio Matisy electo Tyniniensis, Ladislao Maytiny electo Syrmiensis et Ioanne Theleghdy electo Bosznensis ecclesiarum episcopis, ecclesias dei féliciter gubernantibus, Agriensi item Trasyluaniensi, Seghniensi et Modrusiensi cathedralibus sedibus vacantibus ; item spectabilibus ac magnificis comité Georgio Thurzo de Betthlehemfalwa, regni nostri Hungariae Palatino, comité Thoma Erdeödy de Moniorekerek, regnorum nostrorum Dalmatiae, Croatiae, et Sclauoniae bano, Sigismundo Forgach de dicta Ghymes, tauernicorum, Francisco de Batthian agazonum, Ioanne Draskouith de Trakostian eubiculariorum, Andrea Doczy, pincernarum, Nicolao Istwanffy ianitorum, Thoma Zechy de Rimaszech curiae nostrorum regalium in Hungariae magistris, iudicatus curiae et dapiferorum offieiis vacantibus, Stephano Palffy de Erdeöd comité Posoniensi, caeterisque quamplurimis regni nostri Hun gariae comitatus tenentibus et honores. Matthias m. p. Valentinus Leepes m. p., episcopus Nittriensis. Franciscus Nagmihaly m. p. Originale membraneum in forma libelli. In zona sericea, violacei, flavi, albi et rubri coloris dependet sigillum. In archivo reg. et Hb. civitatis Crisiensis.