VJESTNIK 2. (ZAGREB, 1900.)

Strana - 87

87 LI. Item statuerunt, quod quicunque uèididerit uinum forense post tertium sonum campanae, cadat ad poenam librarum sex, saluo vino Segnano et uino maluasiae et romano et taberna capitanei. LH. Item statuerunt, quod qui luserit ad taxillos alibi quam in platea aut in taberna capitanei, maluasiae aut vini Segniensis, cadat ad poenam librarum sex et patronus domus similiter. LUI. Item statuerunt, quod qui deiecerit aquam uel alias immunditias super aliquam personam euntem per uiam, soluat libras sex pro quolibet contrafaciente et quoties fuerit contrafactum. LIV. Item statuerunt, quod qui deiecerit turpitudinem in via, cadat ad poenam librarum sex pariter pro quolibet contrafaciente et quoties fuerit contrafactum. LV. Item statuerunt, quod qui uerberaret aliquam bonam mulierem uel virginem in aequalitatc constitutus, soluat libras sex; sed si inhonestus homo uerberat honestam puellam uel mulierem honestam, soluat libras viginti quatuor. LVI. Item statuerunt, quod qui uerberauerit cum bacculo lenigato, soluat libras uiginti quatuor. LVIL Item statuerunt, quod qui uerberauerit cum lapide in pugno, soluat libras uiginti quatuor. LVIII. Item statuerunt, quod qui perçussent cum lapide deiecto, soluat libras sex. LIX. Item statuerunt, quod qui uerberauerit aliquem alium in domo sua, cadat ad poenam quinquaginta librarum. LX. Item statuerunt, quod qui intrauerit uiolenter in domum alienam, cadat ad poenam uiginti quatuor librarum. LXI. Item statuerunt, quod si forensis euaginaret ensem animo irrato super illum, cadat ad poenam librarum quinquaginta et, si uulnerauerit, incidit ad poenam librarum centum. LXII. Item statuerunt, quod quicunque fecerit malam mensuram ad tabernam, cadat ad poenam librarum sex. LXIII. Item statuerunt, quod quicunque repertus fuerit habere cadagnum falsum, cadat ad poenam librarum uiginti quatuor. LXIV. Item statuerunt, quod qui repertus fuerit habere falsas mensuras in statione sua quocunque modo, cadat ad poenam librarum sex. LXV. Item statuerunt, quod beccarii non debeant portare corria a macello sine licencia officialium macelli sub poena librarum uiginti quatuor.