VJESTNIK 1. (ZAGREB, 1899.)
Strana - 111
111 zbol, y onak betesna buducha znala sze je po vech puti iz posztelje sztati, kak da bi gdo iz hise hotel odneszti, y onak da je na pomagai krichala, da ju hocheJLi hman sene zagutiti, kojeh drugach szvedok nigdar ni vu hise szvoje videl, y tak imenuvana sena vre vsza zmuchena, da je vu jutro na dan szvetoga Blasa y vumreti morala, osztale pako sesztero njegove decze da szu takai od svechnicze nuter do Jurjeva betesni lesali, tak da ni po hise preiti niszu mogli, doklem ih sziroma(k) kam preneszel ni, y da su takai decza njegova vu takovom betegu po sivotu na falate cherna bila, kak da bi je gdo najbolje po sivotu bil zbil, y onak da szu sze znali po posztelje raztezati vsze na pomagai vichuch, y kada bi zachel deczu szvoju pitati, da mu nai povedu, kak im je y gde szi zlo chute, da mu je odgovorila naisztaressa kchi njegova Barusza, da bi mu ona povedala, zakai je betesna ona y druga decza, nego sze boi sztare Margethe Vlachovichke ; kai razumevsi zachel szi je bil kcher batriveti na dobre rechi jemati, da sze nikai nai ne boi, da on neche nikomu povedati, na kai da mu je ona zopet odgovorila, kak bi vam povedala, da je sze zmirom Margetha pri mene, vendar me hoche zagutiti, koje drugach szvedok szega vremena betega iszte kchere y osztale decze szvoje vu hise szvoje ni videl, y onda vre szteskem povedala mu je kchi, kada bi bila lainszko letho pred Miholjem on vecher nekak po zdrave Marie blizu hise napiszane Margete na zdenecz po vodu zasla, da.szu doszkochile k nje onde dotik chesz jeden potochecz, buduchi na kojem je drugach melin njegov, k zdenczu iz kola iszta Margeta szinom szvojem Ferekom y Bara Marthekovicza, popechene po glavah, vu kojem szu onde zdrugemi paidasiczami, takai kak mu je kchi povedala pokritcmi, nagovarjajuch ju, da nai ide med nje vu njihovo kolo, da je onde bude lepo y da bude s nimi vecherala, kojem ni sze dala prekaniti, da szu ju y szilum vu ono kolo odpcljati hotele, y onda kak je zachela kchi njegova boga y maiku bosju na pomoch zvati, poveda, da ih je szproti nesztalo, odkud da bi bila kchi njegova iz zdencha vode doneszla, da je chiszto plaho gledala y bleda bila, da on vecher od sztracha niti jela ni ; zatem da mu je povedala, da kada bi bila ovu praesesznu zimu iszta kchi njegova z maiczunem szinom takai njegovom Josekom vu melin njegov pred szvechniczum on vecher takai po zdrave Marie zasla bila, da ju je napiszana Margetha onde dotik iz jednoga pusztoga melincza buduchega tri puti po imenu zazvala bila, koje kada bi bila rech y glasz poznala, da je brata szi opitala, jeli chujes, kak me nassa szuszeda Margetha zove, koje rechi kada bi prot bratu szvojemu pregovorila bila, povedala mu je kchi, da je szproti Margetha zamuknula, y onak doma doidochu taki on vecher y zosztalom deczum da je obetesala y nuter do Jurjeva betesna bila. Kai razumevsi szvedok od kchere szvoje, isel je vu Zagreb patrom kapuczinom po szveti prah, z kojem deczu szvoju kak kaditi y napajati bil zachel, da im je lese bilo, y za tem kak bi sze malo pred Jurjevom napiszane Margethe groziti bil zachel, da ako njegove decze lese nebude, da hoche na Jurjevo pred szum farum na piaczu szudczem povedati, da ju nai vuchine vloviti, ar on zna, da je prava czopernicza, y onda kak bi je sze bil tak zagrozil, da su taki imenovana kchi njegova y osztala decza po Jurjevu ozdravila. Na dalje poveda, da kada bi bil letosz na szamo telovo kruto rano, malo kai sze je szuncze pokazalo bilo, boga molech k terszju szvojemu gledet isel, da je
