VJESNIK 11. (ZAGREB, 1945.)
Strana - 253
N. ŽIC, HRVATSKA KRONIKA B. A. KRČELIĆA 1749.—1762. 253 generala tak na supremuš-komešiju kakoti i na kapitaniju grada varaždinskoga vpeljal je i grof na obodvoje prisegel. Treti pako dan dokončanem načinom bila je restauracija, i za vicekomeša občinskum voljum zebran je g. Juraj Petković, za substitut —, kako zovu, vicekomeša g. Boltizar Završki, notariuš vučinjen je Ferenc Kanotaj, perceptor Juraj Horvath, veliki suci g. Januš Koncer, g. Januš Paxi, g. Jožef Horvath i g. Jožef Jambreković. Vu majušu, akoprem ne bi nigdor bil se najdijal, od kraljice imenuvan i postavlen je herceg i strigonski eršek primas kraljestva vugerskoga gospodin grof Ferenc Barkoczi, 71 prvo agrijanski biskup, z občinskem vseh veseljem, ar vrednost krepostij njegoveh čast ovu je potrebuvala. Na agrijansku biskupiju vatcki biskup grof Karol Eszterhazy je prenesen. I kajti bečki eršeg grof Krištof Migazzi rimske cirkve kardinalom ovo leto takaj bil bi postal, vatcke cirkve i biskupije (vu koje pred Forgacsem bil je biskup) po prenašanju vu Agriju Eszterhazia administrator postal je. Oberstar kostanjički grof Krištof Oršić pri armade generalom postal je, kakoti i na koncu leta ovoga i vu mesecu decembru grof Peter Sermage generalom je imenuvan. 19. dan juniuša vu Zagrebu g. Laslov Lukavski, tabule judicijarske ašešor, preminul je. I ovak budući dve ašešorije prazne, na mesto g. Anton Bedekovića od kralice imenuvani su ašešori g. Krištof Bornemissa i!i Stolniković iz turme bečke pretorijanske i g. Lukas Novosel, zagrebačke varmegje vicekomeš Primas vugerski po vpeljuvanju i ravnanja eršekije strigonske prijemanju velike svoje misli i nakanjena je pokazal. Kada iz Beča kolegium, Pazmanov zvan, je prenesel, za kaptolom strigonski i samoga sebe iz Tyrnavije vu Strigonium postaviti i onde stolnu cirkvu, akademiju napraviti, vsa na ovo potrebna je naredil i preskrbel. Leto ovo vu marcijušu i aprilisu bilo je suho, potle malo i po nekojeh krajeh je namakalo. Zatem stalna vrućina po 21. septembra bila je, da orati moguće ni bilo. Marha povsud neizmerno je parala, niti najti pomoči moguče bilo je. Od Matijeva dehji vsagdašni skoro tri meseca bili su, da niti sejati do januariuša moči ne bilo. Branje obilno bilo je, da ljuctvo posudja komaj je zmagalo, nego bratva zbog godine teška. Ovulike dehji povsud (kako pisano je bilo iz drugeh orsagov) nezrečene povodnje zavdali su. Ovde vu horvateke zemlje tak strašne bile su, da tulikeh narod ov ne zapametil, ter ktomu povodnje ove dulje i stalne bile su. Trav prek malo i zato i sena bilo je, da ovo predrago bilo je plaćati potrebnem. LETO 1762. Akoprem vsi najdijali su se, da vu Zagrebu banska bude tabula, vindar z dopuhčenja kraljevskoga vu Varaždinu bila je. 16. dan januariuša vu Verovitice preminul je baron Marko Pejačević, sremske varmegje supremus komeš, koju čast zadobil imenom administratora je baron Ferenc Balassa, konziliariuš vu locumtenencijalskom konziliumu. Oberstleitinant Pavel Rauch iz Banskeh krajin više od jezera soldatov k armade kraljevske je odpeljal i još na putu oberstarom je vučinjen i kostanički šereg dobil. Grof general Jožef Kazimir Draskovic iz Pešta na domovinu je došel i vu kaštelu svojem Bukovcu 27. februariuša križevečke varmegje svoje spravišče držal je. Vu kojem po kraljevske rezolucije varmegje križevečke administrator, doklam najmre grof iz taborov povrne se, razglašen i vučinjen je g. Anton Bedeković, tabule banske ašešor, vicekomeš Januš Saić, ovoga substitutus Jožef Arbanas, notariuš Benedikt Krajačić, perceptor Stefan Senny, 72 veliki suci Juraj Petričević i Jakob Vrabec. Po kotereh grof general čez malo k armade nazad je odišel. Vu Zagrebu varmegja zagrebečka zbog vicekomeša Lukača Novosela promocije i smrti notariuša Boltizara Kesser 73 oficere varmegjinske je postavila, najmre vicekomeša Petra Spišića, do seh dob prokuratora. Substitutus g. Mihalj Malenić je potvrgjen, notariuš pako izebran je g. Mathias Bornemissa drugač Stolniković. Drugi potvrgjeni su. Orsačko tulikaj bilo je spravihče. I kajti vu onom, koje vu Varaždinu bilo je, orsag potrebuvanoga poručanstva za posuditi deset milionov iz (!) 74 taborske potre71 Barkoczy. 72 Senney. 73 Kešer Baltazar. 74 = za(?)
