VJESNIK 11. (ZAGREB, 1945.)
Strana - 243
N. 2IC, HRVATSKA KRONIKA B. A. KRČELIĆA 1749.—1762. 243 Vu leta ovoga mesecu novembru oberstar Venceslav K 1 e f f e 11 je se zmenil z oberstarom Anton Setwitzem, tak da ov vu Petrinu iliti Banske krajine za oberstara, Kleffelt pako vu Karlovec takaj za oberstara je došel. LETO 1755. 7. januaru vjavilo se je ljuctva vu generalije varaždinske zburkanje, koje potle ter čez malo van ter krvoločno je izešlo, ar dan 20. januariuša vu Severin (mesto prebivalihča vladike i privilegiumov naroda Ratcev grčke cirkve vu spomenute generalije varaždinske naseleneh) spravivši se i kapitana Petra Ljuboj e v i ć a pod prilikum sile tamo dopeljavši i za ravnitelja svojeh knezov postavivši, vse oficere, koji po šeregeh bili su, loviti i vu Severin nedostojno i pod stražum voditi počeli su. Zmed kojeh onde bližnešeh vulovleneh, dan 23. januariuša, kapitana Buzjaković, prvešega leitinanta Jožef Krčelića, leitinanta Cedjak, vohmešter-leitinanta Komogović, nedostojno, nečemurno i krvoločno vmorili su i njihova mrtva tela onde stati pustili. Na mesarnice ove glas oficeri drugi navlastito od Severina dalešni pobegli su i onem, koji vu Zagreb i varmegjij mesta bili su došli, Samobor i druga mesta za stanuvanje bila su odlučena. Oberster križevečki baron Ignaci Lalersperg, oberstleitinant Mikašinović vu Ptuj prešli su, drugi drugam, kako koji občuvati je se mogel. Sam general Gvicciardi vu Koprivnice je obstal, ali prez vsake zapovedi, dapače stražu festinge, od oneh purgarov i slobodnjakov bližneh, nekuliko vremena imal je. Gjurgjevečki takaj oberstar Brentano 41 vu Gjurgjevcu je obstal i ž njim nekaj oficerov i jedna cela kompanjija, koja zneverila ne se bila. Neverni pako i Ljubojevića, nasledujuči ne samo oficere preganjali su i kvare njim po hišah vučinili, nego i plebanuše, zmed kojeh nekoji takaj pobeči morali su. Dapače vu festingah straže ostavili, m o n d u r u kraljevsku nekoji podrapali, porte iz škreljakov odhitili i kak koteromu je se videlo, prez podložnosti činili, živeli. Zbog nevernosti ove i odprtoga zburkanja banska tabula vu Zagrebu pretrgnuti je se morala i grof locumtenens vu Petrinu odišel je, za videti da nevernosti ogejn i Krajin banskeh ne bi natepel. Iz Beča pako oberstar iz Gradiške baron Beck 42 vu Koprivnicu i generaliju varaždinsku poslan je, koteri na polovice februariuša opravil je: da zatučeneh oficerov mrtva tela vu farne cirkve Trojstva zvane poleg soldačke navade pokopaju se. Da oficere nazad primu i nijednoga ne razmrcvare, da vu festingah straže vuzmu, da na vernost kraljevsku prisežu. Koja oni obećavši i spunivši, dopuhčenje dobili su, svoje ablegate (kojeh prvi bil je Ljubojević) vu Beč poslati. Oberstar Beck za vučinenu ovu službu general-oberst-Wohmester, kako govore, postal je. Nekuliko dan pred Matijevom ablegati generalije vu Beč odišli su. Na dan pako svetoga Mateja apostola iliti na dan 24. februariuša, podložniki i muži na Ravnu v stran zvoniti počeli su i onde skup spravivši se na gospodske dvore vudrili se, prvič na pevnice, vu kojeh zopivši se, ne samo gospocke dvore porobili su, nego i požgali i med Lonjum i Crncem vodami naseleni podložniki na tri razlučili se strani. Jedni, kojeh glava bil je Kušić, od Ravna proti gospodina biskupa Gradcu odišli su pijančujuč. robeč, paleč, drugi proti Vrbovcu i Rakovcu, kojeh vojvoda postavu se je stanoviti Kadović, treti od Lovrečine Preseke iduč proti Kalniku pod ravnanjem K e 11 e k a 43 išli su. Oveh nevernikov i puntarov gospocki špani glave bili su i vse dvore požgali i porobili, najmre kaštel gdina biskupa Gradec i kaštele Lovrečinu, Vrbovec, Rakove c, Negovec, Bisag, zmed dvorov Novome s to, Preseku, Brežane, Bogačevo, na Ravnu dva, Žalec, Pogančec, Veliku i druge ostale. Ovo isto vreme takaj na Podraviu vu selu Veliki Otok zvanom muži proti gospode podigli su se i onde gna Sobeka 44 vu hiše njegove vubitoga i z hišum zežgali su. Druga podravska gospoda pobegla su. Takaj vu Biškupcu poleg Varaždina kmeti špana svoga vmorili su, provizor pako komaj vu Varaždin je vušel. Moslovina, 45 akoprem robila i palila ne, vindar odprtu nepokornost svojem oficerom je iskazala. Velike tužbe činila i vu sloboščinu postavila se, stanovitoga iz Vidrnjaka kneza, P i n t a r i ć zvanoga, za svoga vojnika postavivši. 41 Grof Anton de Brentano. 42 Barun Filip Beck, pukovnik 43 Kelek. 44 Plemić Soebek. 45 Moslavina.
