VJESNIK 11. (ZAGREB, 1945.)
Strana - 242
242 VJESNIK HRVATSKOG DRŽAVNOG ARHIVA toga da poglaviti ljudi putovinu bi plaćali, od strani orsaga vu Beč je pisano i zvrhu ovoga, onak kako naredba pravic donaša, orsag vučiniti ne zamudil. Tretič, obznanjeno bilo je, da vu dojdučega leta 1755. mesecu aprilisu milostivna gospa i kraljica Marija Terezija iz Reke čez Karlovec, Jastrebarsko vu Zagreb i odovud vu Varaždin dojti i svoje ljuctvo i podložnike videti hoče. Zbog ovoga vsa za pokorno i dostojno prijeti Dvor kraljevski naredgjena bila su. Pri Jastrebarskom generalija karlovečka, pri Zagrebu Banske Krajine, pri Varaždinu varaždinska generalija dočakala bila bi i svoj vojnički egzercicium iskazala. Vnogem velike stroške ovo obznanuvanje je zavdalo. Popisek tulikajše vsega orsaga bil je odlučen i na ovo odebrani: grof Januš Patačić, kanovnik Boltizar Krčelić, vicecomeš varaždinski Jožef Raffav, zagrebečki Juraj Petković i, iz vugerske zemlje, iz locumtenencijal-konziliuma sekretar i consiliarius gospon Laslov Ballog, koteri varmegju križevečku popisali su i jednu sučiju iz varaždinske. Obznanjeno takaj pape rimskoga Benedik XIV. bilo je vu ovom spravihču po nekojeh svetkeh d e 1 a t i dopuhčenje iliti brève papinski, iz kojega preštejenju sv. Ivan Krstitel za horvačkoga orsaga patrona spoznan i prijet je i zato, da na dan njegvoga spomenka delati ne bu smeti, je dokončano. Rečeno pako dopuhčenje takvo bilo je, da najmre verno ljuctvo kršćansko vu jutro i za raneje sv. mešu posluhne i alduje, po kojem aldovu da delati slobodno more i moglo bude. Dneve spomenka svecev nekojeh. To jest: na dan preobraženja sv. Pavla apostola, na dan sv. Mateja apostola, na dan sv. Juraja mučenika, vu pondeljek i tork vuzmeni, v pondeljek i tork trojački, dan sv. Filipa i Jakoba apostolov, najdenoga svetoga Križa, pohagjanja BI. Device Marije, sv. Marije Magdalene, sv. Jakoba apostola, sv. Ane, preobraženja Kristuševoga, sv. Lovrenca mučenika, sv. Bartola apostola, izvišenja presvetoga Križa, sv. Mateuša apostola, sv. Mihalja arkangela, sv. Šimuna i Tadeuša apostolov, šv. Martina, Elizabete i sv. Katarine i Andraša, sv. Tomaša apostola, sv. Štefana prvoga mučenika, sv. Januša apostola, zvan Zagreba varoša, dan drobne dece. Ako bi vindar vu kojem mestu ali fare za patrona koteri zmed gore spomenuteh svecev bil, ali farna pod imenom koteroga cirkva, vu takovom mestu i fare delati ne dopuhčeno. Drugi vsi čez leto, koji obslužavaju se svetki, ter navlastito nedelje, kako od negda obstale su i po njih delati ne dopuhčeno. Na koncu meseca majuša general karlovečki baron Scherzer iduči iz Beča vu štajerske zemlje preminul je, od vseh bil je žaluvan, ar vreden gospodin bil je. Na mesto kojega, taki po čute njegove smrti, gospa i kraljica naša, na ravnanje karlovečke generalije, vu Karlovec iz Koprivnice prenesla je, generala Benvenuta Petazzi. Vu Varaždinsku pako generaliju došel je general G v i c c i a r d i, 40 koji prvo vu Karlovcu bil je oberstarom. Na dan zastuplenja Kristuševoga, to jest 23. dan majuša, pedeseto svojega mašničtva ispunjeno leto, vu stolne cirkve zagrebečke obslužaval je gdin baron Sigmund Sinersperg, stolne zagrebečke cirkve prepust, opat sv. Margarete od Bele, Aurane prior, tolnačnik kraljevski, jastprist gorski i zagorski, koje obslužavanje ž vrednum radostjum i ceremonijami bilo je. Vu Petrine grof locumtenens Adam Batthyan kampament, kako veli se, soldački je držal, kamo vnoga gospoda i generali dohajali su i bili. Vu mesecu oktobru poslani iz Beča kraljevski foreri, po Horvacke zemlje pute, čez koje Dvoru kraljevskomu bi bilo prejiti, prevideli su i gledali. 40 Grof Guicciardi.
