VJESNIK 11. (ZAGREB, 1945.)

Strana - 239

N. ŽIC, HRVATSKA KRONIKA B. A. KRČELIĆA 1749.—1762. 239 vnoge dali. Zato Kheil vu četrtkovec je se prenesel i Scherzerom, Crotendorffom, Molkovoga regimenta oberstarom. Kade čuvši stranke videlo mu se, da puntari nesu nego malcontenti. Zato od sile vse je se habal. Vsa kaj najbolje obrnul. Šest vindar je ih na smrt obsugjeno. Theodor Khiug po Mikašinoviću napeljan i vlovlen, njega oberstleitinanta vu generalije varaždinske, koja takaj onde bila je, je napravit, sebe vekivečnu temnicu (ar pokazati je se trsil, da več službe i hasni vu Komogovine je napravu nego kvara ali nevernosti) je zadobil i vu nju odpeljan. Sekretar njegov Filip Trbuhović iz Krajin i orsaga horvatckoga je prebubnjan. I po oveh Kheill i drugi odišli su. Dve samo kompanjije Molkove vu Kostanice i Gline za pomoč straže do vremena zaostale su bile. Vu Like generalije karlovečke takaj zburkanje je bilo, ali ovo razlog general Scherzera je na friškom potažil i razmetal. Iduče diète vu Požunu na konec dan 30. juliuša vnoge časti od kraljice podelene su. Najmre primas i eršeg strigonski vučinjen je grof Mikula Csaki.

30 Na mesto ovoga eršeg koločki i bački Ferenc Klobušicki.

31 Na zagrebečku biskupiju prenesen je iz bosanske Ferenc Thauszy. Zadobili su pečuhsku Juraj Klimo, bosansku Jožef Čolnić, lektor i kanovnik zagrebečki, baron Adam Patačić biskup od Novi

32 je vučinjen i skupa vugerske vu Beču kancelarije konsiliariuš, biskup senski Wolffgang Čolić tituluš ekcelencije, Gabor pako P a 1 k o v i ć

33 iz misionariuša grčke z rimskum držeće cirkve vu Z u m b e r k u na mesto Theophil Pašića,

34 vre z davna vu polsku zemlju i vu klošter obsugjenoga, pod imenom vikariuša apostolskoga biskupiju zadobivši pomoč od kraljice je zadobil. Druge tulikaj časti jesu zadoblene, navlastito supremuš-komeši po vnogeh vugerskeh varmegjah jesu postavleni. Grof kancelariuš Leopold de Nadasd

35 vekivečni varmegje komaromske je vučinjen etc. Potle Dvor ves kraljevski vu Budin, Pešt i vu Gedelju grofu Grasalkoviću išel je, i dieta na koncu augustuša je dokončana. Grof locumtenens Ludovik Erdoedi general marešal leitinant je vučinjen. Dva zajdna meseca iliti September i Oktober onem, koji vu Zagreb nesu mogli dojti ali nemogučni bili su, dopuhčeno je bilo, ovoga pri farneh cirkvah zadobiti poleg prepisanoga načina. I ov isti jubileum kako zvonjenjem i z procesijami je se počel, tako i dokončal, dan zajdni oktobra. Gospodin Ferenc Klobušicki, vučinjen koločki eršek, vu horvatcku već zemlju ne se povrnul, nego po diète vu Pešt je odišel. Vicariuš njegov Wolffgang Kukuljević vu Zagrebu 28. novembra je vumrl i na mesto ovoga tabule orsačke judiciarske ašešor postal je Boltizar Krčelić, kanovnik zagrebečki. Letni prirod zločest bil je, ar pšenica i hrž naginula su. Vina prek malo. Leto nestalno i sada potopno sada nezgovorne vrućine. Marha ginut pričela je po nekojeh krajeh, navlastito živad. LETO 1752. Pod tabulum još banskum vu posleh krajinskeh i soldatčkeh Kleffelt i Kušević vu Beč odišli su. Gda oficeri vu Zagrebu vučili su se militarske mustre. I s pričetka marciuša vu spravihču zbog nerazlučenja soldatčke i orsagčke kase g. viceban Januš Rauch vu Beč k banu odlučen i poslan je. 10. marciuša vu Križevce gdin biskup Ferenc Thauszy, baron Stefan Patačić, viceban Januš Rauch i ašešor tabule Januš Jurčić odišli su i varoš gorni i dolni skup spravili i jedinoga vučinili. Izebran za suca bil je g. K e s s e r

36 i potle drugi senatori, ašešori i oficeri varoški. Novu varošku pečat tulikaj zadobili i prijeli su. Gospodin biskup, čuvši svojega prenašenja potvrgjenje vu Rimu vučineno, za svoga vikariuša i pravdi duhovneh suca imenuval je Adama Čegetek, stolne zagrebečke cirkve kustosa vučinenoga. Kojemu i druge tolnačnike pridal i odredil je i potle po navadne prisege, dan 9. meseca juliuša, z radostjum vu stolnu svoju cirkvu je vupeljan. Dočakali ga najmre na mostu pred gradom kanovniki i gospoda, z kojemi vu cirkvu dojduči poleg navade druga jesu izvršena. Vu aprilu mesecu gdin general Benvenutus Petazzi za brigader, — kako vele, generala i komendanta generalije varaždinske dan i prepostavlen je. Koji i na koncu 30 Grof Nikola Csaky, nadbiskup u Kaloči. 31 Do sada biskup u Zagrebu. 32 Episcopus Noviensis. 33 Redovnik sv. Bazilija. 34 Episcopus Svidnicensis. 35 Grof Leopold Nadasdy, do sada ugarski kancelar. 38 Baltazar Kešer.