VJESNIK 11. (ZAGREB, 1945.)
Strana - 238
238 VJESNIK HRVATSKOG DRŽAVNOG ARHIVA taborskeh nevmrtliven. Vekivečnoga od vse korune i vugerskoga kraljevstva vreden spomenka zbog potišenja i naravnanja Rakoczi hercega nemira i nevernosti. Prvo nego vu dietu gdin biskup bil bi odišel (poklakam papa Benedikt XIV. sveto leto iliti jubileum bil bi po vsem kršćanstvu raširil, da najmre i oni, koji lani vu Rim nesu mogli dojti, i vu svojeh biškupijah delniki postati mogu ga) vsa za ovo potrebna naredil je, po svojem listu i pismu razglasil. Prvi dan majuša počel se je adda vu ove biskupije rimski svetoga leta jubileum i trpel je celeh šest mesec. Tri dni po cirkvah vu Zagrebu na pričetku zvonili su. Kaptolomska procesija i onde budučemi farami pričetek dala je, za ovum varoška svetoga Marka i potle druge iz vse biskupije kako za koji dan odlučene bile su. Koji bližneji ovde bili su, pet puti z procesijum odlučene cirkve pohoditi morali su, dalešni dvakrat, koji prez procesije išli su, 15 puti pohoditi morali su i druga vu papinske bule zvršiti. Za pohagjanje odlučene cirkve bile su Stolna sv. kralja Štefana, franciska ns k a sv. Ferenca, j e z o v i č k a sv. Katarine, f a r n a sv. Marka Evangeliste. Osebujna ljudi pobožnost videla se je i Iuctva vnožina. Zagrebci osebujnu ljubav skazali su, ar pobožnem ovem peregrinom stan za nikaj davali su. Plebanuša varoškoga g. Juraj Jurajić marlivost bila je hvalena, koji i več puti čez dan na varoškom pijacu navuke krščanske daval je i reč Božju nazvehčal. 18. dan apriliša vu Požunu početek imala je vugerskoga kraljestva dieta, vu koje dokončana i zapovedana svedoči decretum leta 1751. Vu ove, zmed treh naprvo od kraljice postavleneh, najmre grofa Juraj Erdoedi," grofa Ferenca Eszterhazy 25 i grofa Ludovika Batthyan, 26 ov zajdni vugerski palatinuš izebran je. Prvo bil je cancellarius vugerski i po volnom ove časti izručanju službe velike tak kraljestvu kako i Dvoru vučinil je. 10. majuša okolu pol četrte po poldan vure nečujeni i nevigjeni još od ljudi potoka Medvednice potop je se pripetil. Voda do vrat Zdvercih kaptolomskeh bila je, silum svojum mesnice poleg Krvavoga mosta kaptolomske rastrgla, isti most Krvavi, akoprem zidani, rastepla, hiš več razmetala, vnogo i vsaku skoro na Potoku i okol njega narušila, funduse pokvarila, gibuče i pohištva raznesla, nekuliko ljudem smrt zavdala i potopila, z rečjum kvar velik napravila. I vsa ova vu jedne vure. Za ovem nastala je čista vedrina i od sunca vrućina, iz koje po jakosti sunca iz gor onde bližneh najmenše i nevidgjene droptinice mineralske na visoko podignene i vu globuse spravlene, dan 27. majuša meseca, prez vsakoga oblaka, neizgovorneh i na dalkom po orsagu čutom, glasom i šumom, na spodobu treska, pri H r a š č i n e, zgora, ter gluboko vu zemlju, nju raširujuč i kakti jamu ostavivši, prepale su. Koje duguvanje, v pamet od povračajučeh se iz melina vzeto, da globusi iskopani su, skrb imana je. Dva kanovniki, Jozef najmre Pogledić i Juraj Malenić, na vidgjenje i inkviziciju išli su. Globuse vu Zagreb donesli, zmed kojeh jeden cei vu Požun cesaru okolu funtov 70, menšega polovica biskupu poslani su. Druga polovica pri vikariušu je zaostala. Največ ocelji globusi imali su i ktomu prez zemlje jako čisti videli su se. Od kojeh po Evrope je razglašeno i od vnogeh vučeneh zadosta pisano je. Dan prvi juniuša vu Krajinah banskeh pod ravnanjem Theodora Khiug 27 i popa Filipa Trbuhovića 28 iskupila se je Krajina, oficeri vu grade pobegli, onde zaprli se i sami straže obavljali. Krajinščani pri Komogovine stali skup spravleni. Iz Požuna, kako tamo glas je došel, vu Krajine poslani su bili grof locumtenens baron Adam Patačić, kanovnik i oberstleitinant dubički, kanovnik tulikaj Boltizar Krčelić zbog ljudi biškupskeh, da Krajinščanom pridali se ne bi. Vu H r a s t o v i c u spravivši se na samo Petrovo nekoje Zrinane od Komogovine poslane čuli su. Odkud grof locumtenens baron Adam Patačić i auditor Ferenc Kušević z ludmi objačeni biškupovemi vu Kostanicu išli su, kakoti i z konjiki krajinskemi. Krčelić na T o p u s k u poslan je za videti iz dalka i zezvedati potrebna. Vu Kostanice po vuzeteh tolnačeh baron Adam Patačić z relaciium vu Požun je odišel. Za kojum karlovački general baron Scherzer dan 20. juliuša na Gore z nekuliko jezermi je se postavi!, kamo i K 1 e f f e 11 iz Kostanice došel je i vnogi drugi. Konjiki vernost prisegu su. A doklam na Gorah bi se bili zadržavali i sela krajinska paliti pripravljali, marešal general Kheill 29 ze vsum oblastjum i z regimentom Molk z pričetka augustuša je nadospel. Koji vsi prijemši komandu prvič pri Petrine je se zadržava!. Kade Krajinščani jesu protesterali, da bi oni bili zpuntali se i ovoga zroke 24 Judex curiae. 25 Maršal. 26 Kancelar. 27 Graničar Teodor Khiug ili Kiug. 28 Kiugov tajnik. 29 Barun Karlo Gustav Kheull (Kheyll), general.
