VIESTNIK 9-10. (ZAGREB, 1941.)

Strana - 171

171 item quantitas alterius bonae minutae Monetae pro communi usu Regnicolarum loco praevio modo defectuosae Ragusanae necessaria esse videatur, genuinam informationem Nobis quo citius submittant, In reliquo iisdem Fidelitatibus Vestris Gratia Nostra Caesareo-Regia benigne propensi maneamus. Datum in Civitate Nostra Vienna Austriae, die decima octava mensis Octobris, anno Domini Millesimo septingentesimo trïgesimo primo. Carolus Adamus Ascady Episcopus Vesprimensis Petrus Vegh m. p. Reverendis, Honorabilibus, Spectabilibus, Magnificis item Egregiis et Nobilibus nec non Prudentibus ac Circumspectis N. N. Regnorum Nostrorum Dalmatiae, Croatiae et Sclavoniae Universis Statibua et Ordinibus etc. Fidelibus Nobis dilectis. Benignum Rescriptum Regium occasioni Monetae Ragusanae die 28 Octobris 1731 per Suam Excellentiam Locumtenentialen Varasdini mihi consignatum in proxima conferentia reproducendum. Varasdini, ex officio. 3. 1733. General. Regni Congr. Nr. 54. Carolus VI Dei gratia electus Romanorum Imperator semper Augustus ac Germaniae, Hispaniarum, Hungariae, Bohemiaeque etc. Rex. Reverendi, Honorabiles, Spectabiles ac Magnifici, Magnifici item, Egregii et Nobiles, nec non Prudentes ac Circumspecti, Fidèles Nobis dilecti. Ex demissa Camerae Nostrae Aulicae Representatione uberius percepimus, quod etiam in Districtu Jurisdictionis Banalis Moneta Ragusana Dinarich vocata, quae adeo est defectuosa ut in singulis 100 florenis 22 floreni 37 cruciferi 4/

7 denarii desint, ad praesens nimium invaluerit. Septendecenarii autem et Septenarii in modofato valore non acceptentur. Aureos demum Nostros et Hollandicos vix aliquis in florenis 4 et 9 cruciferis acceptare velit, ubi tarnen Aureis Cichini vocatis, Cursus in 4 florenis et 24 subinde vero 30 cruciferis admitteretur. Quantum ad praeexpositam Ragusanam Monetam habita benigna reflexione ad ea, quae Fidelitates Vestrae ex Generale Congregatione Sua die 24 Septembris Anno 1731 Varasdini celebrata eo in passu Nobis demisse perscripserunt, de alia sufficiente Minuta Moneta quotidianis usibus deserviente. pro Districtu Jurisdictionis Banalis clementer omnino providere cupimus dummodo Fidelitates Vestrae spécifiée proximè déclarent, qua summa pro istiusmodi surrogato et de quali minutione Moneta opus habeant et talem erga dinumerationem alterius bonae Monetae sibi pro quotidianis usibus administrari cupiant. Qua specifica Declaratione accepta, Camera Nostra Aulica eas factura est dispositiones ut talismodi surrogatum Fidelitatibus Vestris effective etiam administretur. Hoc vero obtento, ulterior cursus praefatae defectuosae Ragusanae Monetae intra terminos Jurisdictionis Banalis nullatenus erit admittendus.