VJESNIK 8. (ZAGREB, 1939.)
Strana - 190
190 Item pod Šestinami niže doli zezidal, cena je bila 23 vozev derf, nisem prijel nego 5 vozev. Item pod Belcom, kako vaše gospostvo najbojli znate kuliko delu imel sem, cena je bila rainski 100, a nisem prijel nego jednoč rainske 20, i to drugoč rainske 25, k tomu kruha i vina za rainski 5. Zato računavši delo, koje sam vašemu gospostvu vučinil i početek tulikajse od vašega gospostva, jošće nekuliko pri vašem gospostvu zasluženoga imel. Za koje preporučam se i molim vašemu gospostvu, da meni siromaha na kvaru ne deržite. Ja sam pako vašega gospostva sluga najmenši i kaj vaše gospostvo meni zapoveste ja sem vašemu gospostvu gotov na službu. Vašega gospostva sluga najmenši Antonius Macietto zidar. MEMORIAL Što fali zidati i dodelati grada vu Mrtianceh gospodina Mikuliča Alexandra, kapitana kraine ivaničke i cesarove svetlosti komornika. Najpervo fundamentum i ostalo kaj fali zidati grada. Item turne tri dozidati kaj fali. Item boltu vu pivnice i druge okolu bolte. Item gajnk vu gradu vse okolu od fundamentoma zezidati. Item dimnjake šest ki fale. Item obloke oberh krova dvanist. Item treh podov tarace, dole na srede i pod krovom. Item štenge s rezana kamena postaviti. Item vrata i obloke zvan iznutra z rezama kamena, z rešetkami železnemi. Item ognišča ili komine pečne vsake hiže jedno. Item peč krušnu i malu poleg nje jednu. Item locus secretus na četiri mesteh. Item venec pod krovom vse okolu grada z ciglom kako je početo i turnom takajše. Item pofrajhati i pobeliti ves grad i vse bolte. To gori zapovidano delo to vse fali kako v. g. sami dobro znate da fali, i potreb je dozidati i dogotoviti. Za koje delo ili zidanje, koje sem doseh dob v. g. načinil vu Martijanec, pri ciglenice Stefanceh, pod Belcem i u Moravie, i koje je jošče zidati i delati vu Martijanceh kaj fali, kak je ono gore napisano, znam da slobodno i pošteno zaslužim zavse skupa, kaj sem načinil i kaj je jošče delati tri jezera i četiristo raniškov prez težakov. Vu ono rečeno delo vu Martiancev, ciglenice, Stefancev, pod Belcem i Moravče, kaj sem doteh dob délai, priel sem gotoveh penez i rajn. 294 den. — Item dva paripa, dragu cenu raj. 74 den. — Item za delo pod Belcem raj. 50 den. — A kaj sem od v. g. letos priel, to hoću z vašem gospoctvom zračunati kuliko bude. Nazopet po pogoru vu Zagrebu popravil sem v. g. dvor z nutra i zuuna, i vse okolu kaj je bilo potrebno i pivnicu, skupa z kuhinjam vse znovič iz fundamenta načinil i zezidal, komu je delu u semu bila cena rajn. 236. Nato sem priel doseh dob gotoveh penez rajn. 130 den. —
