VJESNIK 7. (ZAGREB, 1937.)
Strana - 63
63 unam chkmydem longam nigra pelle subductam curare ipsi quam proxime fieri uelle. Die 21. Propositi© prima hujus anni. 4. 3 ) Mouit sua maiestas finito prandio apud Fauoritos Egram versus. 6. Mouimus finito prandio transeuntes longum pagum Eczestorff, pernoctauimus in deserta vrbe Konaiburgh. 7. Perreximus summo mane transeuntes aliquot pagos et ciuitates, prandentes in pago inter Ruzpoch, et finito prandio transiuimus iterum aliquot pagos, pernoctantes in ciuitate Fulkan, ubi rediimus ad viam regiam, qua aberraueramus ab illa in praedicta ciuitate Konaiburgh. 8. Perreximus mane inter meros montes et amoenissimas syluas, et transiuimus aliquot pagos, prandentes in oppido Frontink, hic intrauimus Morauiam, et pernoctantes in ciuitate Slabink. 9. Transiuimus de mane aliquot desertos pagos et arces, prandentes in oppido misero Kinighzegh, hic intrauimus Bohemiam, et pernoctantes in pulchra ciuitate Noua Domensi, ubi assecuti sumus suam maiestatem. Hac tota die perreximus inter meras syluas et plurimas piscinas. NB. Miraculum. 10. Ex hac ciuitate finitis deuotione et prandio, perreximus transeuntes duo deserta oppida, peruenimus ad noctem in oppidum Vezele, ubi sua maiestas habuit malum hospitium in domo ciuili acsi esset in aresto. Mola talis qualem numquam uidi. Hic peruenimus sequenti media die. 11. Ex supradicto oppido mouimus nos finito prandio, transeuntes aliquot desertos pagos et pernoctauimus in oppido desolato Mulba, penes quod fluuius Moldaua ad instar Crapinae fluit. Praga distat hinc 13 miliaribus ad leuam, cuius loci archiepiscopus obuiiam uenit suae maiestati. 12. Transiuimus aliquot desertos pagos, prandium habentes in oppido Proteuicz, hoc finito iterum transiuimus aliquot desertos pagos, pernoctantes in ciuitate Strakonitz, quam praeterfluit Moldaua. 13. Mouimus nos audita missa, transeuntes plurimos pagos desertos et arces, prandentes in ciuitate Horasouicz et prenoctantes in alia ciuitate Krinpergh. Tota die malum iter habuimus. 14. Perreximus de mane transeuntes plurimos pagos, arces et oppida, prandentes in uno monticulo, in quo deserta arx est Bildstain, hic sua maiestas in una lucida et misera domo prandebat. Hic finito, perreximus iterum inter desertos pagos et deuenimus ad bonam ciuitatem Pilznam, 3 ) Upisi k mjesecu augustu.
