VJESNIK 6. (ZAGREB, 1931.)

Strana - 88

batur, an suum parochum habitura sit? vel quorsum ammodo spectare deberet?, nulla mentio facta esset; ne igiur infrascripti a parochia Petrovinensi in futurum dependere, ac eatenus ulteriores incommoditates propter loci distantiam sustinere deberent, excelso consilio regio demisse instant, quatenus iidem claustrum cum ecclesia P. P. Franciscanorum Jaszkensium, in loco quippe vicinissimo, et vix uno quadrante ab hinc distante existentes, pro parochia et per P. P. Franciscanos administranda denominare, taliterque futurae commoditati infrascriptorum gratiose prospicere dignaretur, signanter vero motivis ex sequentibus. lmo, quod oppidum Petrovina, ubi parochia fundata esset, et ad quam infrascripti hactenus pertinuissent, duabus horis distaret et consequenter. • 2do, ob eiusmodi distantiam parochus Petrovinensis debitam animarum sibi concreditarum curam gerere tantominus sacramenta exacte et sine periculo administrare posset. 3tio, propter tantam loci distantiam cadavera fidelium defunctorum ex hac communitate in coemiteria P. P. Franciscanorum ab immemorabili inhumarentur. Proles prius in conventu Jaszkensi, modo vero in parochia Jaszkensi haptizarentur, quemadmodum etiam sub actualis parochi Petrovinensis praedecessore patres Franciscani communitatem Czvetkovich sacramentis et aliis ad salutem animae necessariis mediis providissent. 4to, quod P. P. Franciscanis per actualem parochum Petrovinensem ante annos quatvor ab administratione sacramentorum inhibitis, infrascripti novis incommoditatibus, tot et tantis periculis obnoxii extiterint. 5to, postquam patres Franciscani per commemoratum parochum ab administratione sacramentorum remoti, ad dnfirmos et plane in articulo mortis constitutos cum provisione exire non auderent, accidit, quor aliquot personae sine sacramentis et assistentia sacerdotis ex hac vita decesserint. 6to, renegata Franciscanis excurrendi facultate, parochus homines pro provisione infirmis et agonizantibus praestanda ad se praesertim nocturno tempore venientes excipere, subinde etiam percutere soleat; Franciscani porro nisi prius a parocho iisdem facultas scripto comprehensa exhibeatur, cum provisione excurrere non audent. Iam autem émergente extrema agonizantis necessitate, donee parochus vel solus in spatio duarum horarum adeurrat, vel homo ab eodem Franciscanis excurrendi facultatem adquirat, infirmum sine sacramentis saepenumero mori contingit.