VJESNIK 6. (ZAGREB, 1931.)
Strana - 36
36 congregatione Varasdini pro die 16. et sequentibus mensis maii, anni labentis millesimi septingentesimi trigesimi septimi, in quern nimirum terminum et locum ex praecedenti Zagrabiensi congressu, erga gratiosum excellentissimi ac illustrissimi domini comitis, domini Josephi Eszterhazy de Galantha etc. bani intimatum dilata et extensa habebatur sub praesidio eiusdem suae excellentiae banalis celebrata conclusi. (Ostalo ispušteno) Articulus octavus. Infrascripta deputatio, quas et quales pro insurgendo atque campum producendo institui debere dispositiones, compererit et elaboràvit, in publico consessu retulit tenoris sequentis. Sub praesidio excellentissimi et illustrissimi domini comitis, domini, domini Josephi Eszterhazy de Galantha, regnorum Dalmatiae, Croatiae et Sclavoniae bani etc., in deputatione die 17. mensis maii, anno decurenti 1737., Varasdini celebrata, et ex publico praefatorum regnorum cngregationali consessu, hesterno die, seu 16. eiusdem mensis et anni, aeque hicce Varasdini celebrato et habito ordinata, series actorum et conclusorum sequitur modo et ordine sequenti: Exigente servitio suae maiestatis sacratissimae, conservationeque patriae et advicinantium eidem provinciarum ad resistendum eo fortius et securius feroci naturalis christian! nominis hostis Turcae immanitati, et ad augendas felicibus armis fines regni, iudicabat deputatio praemissa humillima gratiarum actione, pro concredito et clementissime commisso fidei et fidelitati dominorum statuum et ordinum sui, vicifiarumque provinciarum tutamine et defensa, hacque via data de sua maiestate sacratissima, domino, domino rege eorundem clementissimo, ulterius quoque benemerendi occasione supplicandum, nomine publico esse suae maiestati sacratissimae, quatenus banderium banale cum competenti salario instaurare, annona, munitione, tormentis et adminus bis mille sclopis statibus et ordinibus clementissime succurrere velet et dignetur. (Ostalo ispušteno.) Communitates Domagovich duodecim cum decurione; Draganich triginta quinque et Czvetkovich quindecim; Jamnicza sedecim; Kupchina, excepta portione familiae Erdödianae, ad banderium banale eiusdem concurrente, milites pedites quadraginta, Blatnicza cum decurione decern milites pedites administrabunt.
