VJESNIK 4. (ZAGREB, 1929.)

Strana - 37

37 nasz uszeh zkupa najpre nass suppan Jandras Dimjakouich, Iuan y Peter Bakssich, Gregur Dixich, Peter y Matthiash Baxich, Jure y Martin Paulakouich, szuszedi y bratja nassa, ponujajuchi siuim glaszom uzuojim praue szuoje uekouechne plemenite szinokosse uu teško, gladno y neuolyno letto y okliczati uchinisse jednoch, drugoch y tretich, ponudiussi peruo uszü szuoju rodbinu blisnu y dalynu, szuszede uolynike y mejasse, da kupi koj je uolynejssi y nigdar sze ne jaui blisnyi nitti dalyni, koji bi jim bil uu zlo y gladno letto y uu nyihouoj neuolyi dobro uchinil y dal, y chim bi szebe y deczu szuoju siuu obdersali, neg dojdosse z druge ztrani plemeniti, dobro rodyeni hraberni y uiteski knez Christov Delissimunouich czeszaroue y kralyeuzke szuetlozti turanzki y urasichki kapitan zkupa szuojom Anom Mariom Delissimanouichkom rodyenom od Bernek. Y oni sze zgora imenouanimi prodauczi dobrouolyno prez uszakoga szuprot gouorenya pogodisse szuitlo bilodano y dadosse najperuo Iuanu y Petru Baxichu za nychouu szinokossu finih czilih benetachkih skudi 17. Koteroj szinokossi meje ouako ztoje: najperuo od bure szinokossa Broza Kralicha iz Petrouine, od szunchenoga izhoda Szuha Bresznicza, od poludnika Jandria Dimjakouicha szinokossa, a od zapada teche uoda Bresznicza, — Jandriu Dimjakouichu, a to supanu nassemu szadasnyemu za nyegouu szinokossu dadosse skudi 29. Nyegouoj szinokossi meje ouako ztoje: najperuo od bure zpomenutoga gozpona kapitana Delissimunouicha szinokossa, szada od rechenih Iuana y Petra Baxicha kuplyena, od szunchena izhoda Szuha Bresznicza, od poludnika jedan falat Mikule Ztanechka, drugi falat Koszekouich y gozpona kapitana Ferencza Orshicha, a od zapada uoda Bresznicza. Greguru Dixichu za nyegouu szinokossu skudi finih benetachkih szedam y pol, Petru Baxichu skudi shezt y pol, Matiashu Baxichu skudi .... Jucheti y Martinu Paulakouichem czelih skudi oszam. Koterih ouih uszih szinokosse sze zkupa derse y redom ztoje, koterem meje [ouako ztoje: najperuo od bure szinokosha gospona kapitana] Ferencza Orshicha, od szunchena izhoda szinokossa Juricze Zpretnyaka iz Petro[uine y szinokossa] Gergura Vagine iz od poludjnika szinokossa Mathiassa Baxicha, a od szunchenoga zapada teche Bresznicza. Y tako sze imenuuanim szenokossam meje zaztasse. [Vszi] gore imenuuani prodauazi na dan danasni uszaki szuoju sumu napunoma usza[koga kontra uo]tuma szuojemi rukami [prijesse y usze] one imenouane szinokosse szuoje zpomenutomu gozponu Delissimunouichu y nym m. gozpi A [ni Mariji] rodyeni od Bernek y nyih [m. oztan]ku, sucessorom illi legatariussem ualuuasse, opellasse, prodasse y zabassisse uikouichnim y [nigdar] neodezuanim zakonom, uolyni budu gozpod kapitan, gozpa