VJESNIK 2. (ZAGREB, 1926.)
Strana - 72
72 commendamus tenore praesentium significantes quibus expedit universis, quod venientes nostram in praesentiam Simon Balsych, et Ztepan filius Themech, in suis ac uniuersorum fratrum et sociorum suorum nobilium castrensium generationis Czuetkouyh personis et nominibus nobis exponere curarunt, quod licet superioribus temporibus, non diu transactis nonnulli possessores castri Okych, eosdem nobiles ut oppressos propter negligentiam praedecessorum nostrorum banorum, ad idem Castrum Okych occuparint; tamen ex quo iidem nobiles castrenses generationis Cyuetkouih ad banatum uidelicet ad castellum Jazthrebarzka semper et ab antiquo pertinuerunt, ideo ad nos confugientes nobis humiliter supplicarunt, ut eosdem nostram sub protectionem et tutelam specialem recipientes, nostrasque in manus assumentes, in ipsorum libertatibus et consuetudinibus ab antiquo approbatis illesis, absque omni molestia, et sine nouitatum adinventione indemniter conseruare dignarenmur. Nos itaque ipsorum nobilium castrensium supplicationibus iustis utputa, et legitimis fauorabiliter inclinati, eosdem nobiles dictae generationis Czuethkouycs nostras in manus atque pruotectionen et tutelam speciales suscipientes, eisdem ipsorum libertatibus et consuetudinibus, quibus semper et ab antiquo usi fuere, sine cuiuslibet nouitatis adinuentione, cum iustis dumtaxat, et consuetis prouentibus ad castellum Jaztrebarzka de eorundem medio prouenientibus, uti, gaudere et potiri annuimus et concedimus praesentium per uigorem. Quocirca uobis egregiis Laurentio et Ioanni literato, castellanis nostris praedicti castelli Jaztrebarzka nunc constitutis, cunctisque aliis in futurum constituendis strictius damus in mandatis, quatenus praefatos nobiles castrenses dictae generationis Czuethkouyh in eorum libertatibus et consuetudinibus antiquis uti premissum est, pacifice absque omni molestia et perturbatione illessos et indemnes conseruare debeatis, nullas nouitates in medio eorum suscitando nec aliquas superfluas et insolitas exactiones, praeter consuetos prouentus, super eosdem imponere, exigereque et extorquere praesumatis, et aliud nulla ratione facere ausuri, praesentes post lecturam semper reddendo praesentanti. In cuius rei meraoriam firmitatemque perpetuam praesentes nostras literas sub secreto sigillo nostro anulari pendenti dictis nobilibus castrensibus, duximus concedendas. Datum in civitate nostra Montis Graecensis, feria sexta proxima post festum beatae Annae matris gloriosissimae virginis Mariae, anno domini millesimo quadringentesimo nonagesimo septimo. Iz prijepisa kaptola čazmanskoga od 21. marta 1647. Original potonjega u arhivu općine Cvetkovići.
