VJESNIK 2. (ZAGREB, 1926.)
Strana - 207
207 publiki, to jest Ivan Pavačić i Petar Jederlinić. I vele, da su jednaki toliko u dermunih koliko u zemljah i da nimaju prétendit jedan od drugoga ništare do sih dob, i vele da su kuntenti na rečeni juštament i uzimlju poseg svaki od svoga delà i da ako ki ča razkopa, oče bit za njegovu korist, ali učini kakov veramena, biti oče njemu. Jošće imaju jednu ko(mu)nsku živinu i tako ju zručuju rečen redi bratu svomu Ivanu Uraviću i s tim on obliguje se riportat na se dug svete Agate l(ibar) 26, dim dvajset i šeste i da ima riportat pismo na se. Još se obliguju rečeni redi, da ote davat rečenoj Luciji, svojoj materi svaki svoj mih mosta od tri siće. 1 još vele, da ima Mikula Galanto i Jure Sučić svaki dvi ovce, a drugi tri, to jest Ive i Luce, ma te da jih nimaju, ma da je ote imit. I Mikula Galanto je imil pet živin, ma da tri platil je ; Luciji, materi, da je dal l(ibar) 12 za kozu i za ovcu i s janjetom ; i rečeni Mikula da je imil baril vina, ma da ga je platil materi. I to pred svedoci Tomom Veljačić i Matijem Bisturićem. Ja Žakan Mikula Ilijić tako moljen činih. Original se nalazi na papiru u kr. sveučilišnoj knjižnici u Zagrebu. 45. U Zadru, 4. siječnja 1781. Providur Pavao Boldu zabranjuje seljacima iz Briševa, da puštaju blago na zemljište Tite Sanferma. Istumačenie. Mi Pave Boldu za privedru republiku bnetašku providur jeneral u Dalmacii i Arbanii. Zapovidamo s' našom oblastju jeneralskom svim selianom od Briševa, koimi će biti ova naša zapovid, da u napridak ne imadu pušćjati, da prolazi nihova živina, to jest ni goveda ni sitno blago ni koni ni tovari i od nikakve versti blago, priko zemlie posijane i posađene niti priko livada oli drugo nastoe g(ospodi)na Tite Šanferma u Grusih. Ostaje takojer zabraneno istim od Briševa, da ne pušćaju nihovo blago u gai zatvoren istoga g(ospodi)na Tite, ki ima služiti samo za blago negovih kontadinov. Ovako ima biti od svakoga isvaršeno pod penom od plati svu šćetu, ka bi bila učinena i sto dukata na svakoga, ki ne bude slušati, a to za fabrike principove. % Ako pak bi imal kigod ča suprot ovih zemalja, neka doide prid nas, a biti će mu učinena pravda. U Zadru na 4. jenara 1781. Original nalazi se u zadarskom arhivu, komu je pridodan i tal. prijevod. Priopćio R. Sirohal.
