VJESNIK 2. (ZAGREB, 1926.)

Strana - 199

y 199 je uživa s nje ocem, dokla je živa. Da su obligani svi zgora rečeni činit služit jednu misu od l(ibar) 3 do let 50 za moju dušu na moj obhodnji dan, a to njim pušćam sve za ljubav božju i za dobri meriti, ke mi čine va mojih potribah. I reče rečeni: Pušćam Ivanu Uraviću, sinu Mikulinu, moj dolac i s umejkom, ki je poli rečenih brajad, a da je obligan pojt va sižu za me. Pušćam Ivanu Uraviću, sinu Mikulinu, i Juriću i Ivanu, ča su sini p. Ivana Uravića, moje stani oba dva, a da su obligani činit svi tri skupa 2 leta obed svemu kapitulu od Omišlja. I reče rečeni, da kasuje i meće doli one mise, ke su pisani na mojem tištamenti do dan 40 kantane, a sada pušćam, da se dadu pinizi [budu] kapitulu za toliko mis malih. I reče rečeni pop Jurić: Pušćam moj dermun za Dragi Ivanu Uraviću, sinu Mikulinu, i Ivanu i Juriću, ča su sini p. Ivana Uravića, da razdile svi tri skupa gorinji i dolinji dermun na pol i da ne mozite kratit napajat jedan drugomu. I ako su ča veće vridni rečene dermuni nego je duga poštovanoga kapitula, njim pušćam za ljubav božju i da mole boga za me. I reče rečeni: Pušćam pol moje zemlje v Lužici Ivanu Uraviću, a to polovicu, ka je od grada, a drugu polovicu Ivanu i Juriću Uraviću, ča su sini p. Ivana Uravića, a da su obligan(i) svi tri skupa činit služit jednu misu od l(ibar) 3 na moj obhodni dan do let 50. I reče rečeni, da pušća za svoga prokadura k onim dvim, ki su na mojem tištamenti, gospodina plovana popa Mikulu Ilijića i pušćam mu l(ibar) 6. I još reče rečeni: Pušćam i oću, da kigoder se bude suprotivil momu tištamentu ali ovomu kundiciliju, da prija ima depožitat v kamaru svetoga Marka dukat 50. I reče rečeni, da blago živo, ko ostane po mojoj smerti, ča ostan(e) od pošćnice i od obeda na dan 40., da razdile ovi zgora imenovani i da z toga imaju platit mojih prokaduri, a to sve pred svedoci, gospodinom plovanom popom Mikulum Ilijićem i popom Antonom Jederlinićem p. Tomića i žakan Franić Petriš p. Petra od Verbnika. 1728. na 11. aprila v Omišli v kući rečenoga popa Jurića, ki rečeni prosi mene nodara, da bih mu još pridal niki punat na rečeni kundicilij. Najprija reče rečeni: Pušćam Ivanu Uraviću, sinu Mikulinu, jednu kravu i jednu kobilu za ljubav božju i da moli boga za me. Pušćam Ivanu i Juriću Uravićem, ča su sini p. Ivana Uravića, jednu kravu i jednu kobilu za ljubav božju i da mole boga za me (iščupano 7a cijele isprave) do let 50 na moj obhodnji dan za moju dušu. A to sve bi činjeno pred svedoci gospodinom pio vanom popom Mikulum Ilijićem i sucem Pavlom Sučićem p. Pavla